RMNTVONLINE.COM.....មានទទួលសេវាកម្មផ្សាយពាណិជ្ជកម្ម​ គ្រប់ប្រភេទ...ទីស្នាកការកណ្តាល ៖​ ភូមិព្រែកក្របៅទី៣ ឃុំព្រែកអំពិល ស្រុកខ្សាច់កណ្ដាលខេត្តកណ្ដាល Tele: 0973256333 / 017251199

< សម្តេចតេជោ ហ៊ុន សែន អញ្ជើញបើកយុទ្ធនាការចាក់ថ្នាំបង្ការជំងឺកូវីដ១៩ សម្រាប់កុមារ និងយុវវ័យចាប់ពីអាយុ១២ ដល់ ក្រោម១៨ ឆ្នាំ >
RMNTVONLINE.COM.....មានទទួលសេវាកម្មផ្សាយពាណិជ្ជកម្ម​ គ្រប់ប្រភេទ...ទីស្នាកការកណ្តាល ៖​ ភូមិព្រែកក្របៅទី៣ ឃុំព្រែកអំពិល ស្រុកខ្សាច់កណ្ដាលខេត្តកណ្ដាល Tele: 0973256333 / 017251199

Saturday, January 22, 2022

កម្ពុជា-វៀតណាម ប្តេជ្ញាបន្តធ្វើការយ៉ាងណា ដើម្បីស្វែងរកដំណោះស្រាយដែលអាចទទួលយកបានទាំងសងខាង ចំពោះកាបោះព្រំដែនគោក ដែលនៅសេសសល់ ប្រមាណ ១៦%

ចំនួនអ្នកទស្សនា: Views





ភ្នំពេញ ៖ ឯកឧត្តម ឧបនាយករដ្ឋមន្រ្តី ប្រាក់ សុខុន រដ្ឋមន្រ្តីការបរទេសនិងសហប្រតិបត្តិការអន្តរជាតិនៃព្រះរាជាណាចក្រកម្ពុជា ឯកឧត្តម ប៊ូយ ថាញ់សឺន រដ្ឋមន្រ្តីការបរទេសនៃសាធារណរដ្ឋសង្គមនិយមវៀតណាម បានអញ្ជើញមកបំពេញទស្សនកិច្ចផ្លូវការនៅ ព្រះរាជាណា ចក្រកម្ពុជា ពីថ្ងៃទី ១៩-២០ ខែមករា ឆ្នាំ២០២២ សំដៅលើកកម្ពស់ និងធ្វើឱ្យស៊ីជម្រៅទំនាក់ទំនង និងកិច្ចសហប្រតិបត្តិការរទ្វេភាគី រវាងប្រទេស ទាំងពីរ។ 

ឯកឧត្តម ឧបនាយករដ្ឋមន្រ្តី ប្រាក់ សុខុន និង ឯកឧត្តម ប៊ូយ ថាញ់សឺន បានជួបពិភាក្សាទ្វេភាគី ដែលនៅក្នុងឱកាសនោះ រដ្ឋមន្រ្តីការបរទេស ទាំងពីរ បានវាយតម្លៃខ្ពស់ ចំពោះទំនាក់ទំនងទ្វេភាគីដ៏យូរអង្វែងរវាងកម្ពុជានិងវៀតណាម ដែលបានរីកធំធាត់ឥតឈប់ឈរលើគ្រប់វិសាលភាព ឈរលើស្មារតីភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការយូរអង្វែង និងគ្រប់ជ្រុងជ្រោយ។ 

ឯកឧត្តម ប្រាក់ សុខុន និងឯកឧត្តម ប៊ូយ ថាញ់សឺន បានសម្តែងនូវការពេញចិត្តជាខ្លាំងចំពោះលទ្ធផលប្រកបដោយផ្លែផ្កា នៃដំណើរទស្សនកិច្ច ផ្លូវរដ្ឋរបស់ ឯកឧត្តម ង្វៀន សួនហ្វុក ប្រធានរដ្ឋវៀតណាម នាពេលថ្មីៗនេះ ពីថ្ងៃទី២១-២២ ខែធ្នូ ឆ្នាំ២០២១ និងលទ្ធផលនៃកិច្ចប្រជុំលើកទី១៩ នៃគណៈកម្មការចម្រុះកម្ពុជា- វៀតណាម ស្តីពីកិច្ចសហប្រតិបត្តិការសេដ្ឋកិច្ច វប្បធម៌ វិទ្យាសាស្រ្ត និងបច្ចេកវិទ្យា (19th JC) ដែលរដ្ឋមន្ត្រី ការបរទេសទាំងពីរបានធ្វើជាសហប្រធានដឹកនាំកិច្ចប្រជុំ នៅពីថ្ងៃទី ១៩ ខែធ្នូ ឆ្នាំ២០២១ តាមប្រព័ន្ធវីដេអូ។ 

រដ្ឋមន្រ្តីការបរទេសទាំងពីរ ក៏បានផ្សារភ្ជាប់នូវសារសំខាន់នៃការបង្កើនកិច្ចខិតខំប្រឹងប្រែងទ្វេដងរវាងភាគីទាំងពីរ ដើម្បីអនុវត្តប្រកបដោយប្រសិទ្ធភាព នូវកិច្ចព្រមព្រៀង កិច្ចសហប្រតិបត្តិការនានា និងការសម្រេចចិត្តនានារបស់ថ្នាក់ដឹកនាំនៃប្រទេសទាំងពីរ។ រដ្ឋមន្ត្រីការបរទេសទាំងពីរបានស្វាគមន៍ឆ្នាំ២០២២ ជា «ឆ្នាំមិត្តភាពកម្ពុជា-វៀតណាម»និងបានទន្ទឹងដល់ការប្រារព្ធខួបអនុស្សាវរីយ៍លើកទី៥៥ នៃការបង្កើតទំនាក់ទំនងការទូតរវាងកម្ពុជា និងវៀតណាម។ ក្នុងន័យនេះ រដ្ឋមន្រ្តីការបរទេសទាំងពីរ បានឯកភាពប្តេជ្ញាធ្វើការសហការគ្នា ដើម្បីធ្វើ ឱ្យសម្រេចបាននូវការផ្លាស់ប្តូរទស្សនកិច្ចរបស់ថ្នាក់ដឹកនាំនៃប្រទេសទាំងពីរ ក៏ដូចជាការបញ្ចប់បញ្ជីសកម្មភាពរំលឹកខួបអនុស្សាវរីយ៍រួមគ្នា។ ចំពោះកិច្ចសហប្រតិបត្តិការលើវិស័យពាណិជ្ជកម្ម និងវិនិយោគ ភាគីទាំងពីរបានសំដែងការពេញចិត្តចំពោះកំណើនប្រកបដោយស្ថិរភាព នៃពាណិជ្ជកម្មទ្វេភាគី និងបានចែករំលែកទស្សនៈគ្នា ក្នុងការលើកទឹកចិត្តដល់បណ្តាក្រសួង និងទីភ្នាក់ងារពាក់ព័ន្ធនៃប្រទេសទាំងពីរ បន្តកិច្ចសហប្រតិបត្តិការបន្ថែមទៀត ដើម្បីរក្សានិរន្តរភាពនៃសន្ទុះកំណើននេះ។

 ភាគីទាំងពីរ បានរំលឹកឡើងវិញនូវសារសំខាន់នៃការពង្រឹងកិច្ចសហប្រតិបត្តិការលើវិស័យ សន្តិសុខ និងការពារជាតិ តាមរយៈការផ្លាស់ប្តូរ ព័ត៌មាន និងការសម្របសម្រួល ក្នុងការទប់ស្កាត់ និងប្រយុទ្ធប្រឆាំងបទឧក្រិដ្ឋ រួមមានការជួញដូរមនុស្ស និងការរត់ពន្ធគ្រឿងញៀន នៅតាម ព្រំដែនរវាងប្រទេសទាំងពីរ។ចំពោះកិច្ចការព្រំដែន ភាគីទាំងពីរបានកត់សម្គាល់ដោយវាយតម្លៃខ្ពស់ចំពោះលទ្ធផលជាវិជ្ជមាន ដែលសម្រេចបាន ដោយគណៈកម្មការព្រំដែនចម្រុះ (JBC) ក្នុងការបោះបង្គោល និងកំណត់ខណ្ឌសីមាព្រំដែន ព្រមទាំងបានស្វាគមន៍ចំពោះកំណត់ហេតុ រវាង ប្រធានគណៈកម្មការព្រំដែនចម្រុះ ដែលបានចុះហត្ថលេខា កាលពីថ្ងៃទី ២១ ខែធ្នូ ឆ្នាំ២០២១ នៅរាជធានីភ្នំពេញ ដែលភាគីទាំងពីរបានប្តេជ្ញាបន្ត ធ្វើការយ៉ាងជិតស្និទ្ធជាមួយគ្នា ដើម្បីស្វែងរកដំណោះស្រាយដែលអាចទទួលយកបានទាំងសងខាង ចំពោះព្រំដែនគោកដែលនៅសេសសល់ ប្រមាណ ១៦%។ 

រដ្ឋមន្ត្រីបរទេសទាំងពីរ ក៏បានពិភាក្សាយ៉ាងស៊ីជម្រៅផងដែរ លើវិស័យនានានៃកិច្ចសហប្រតិបត្តិការទ្វេភាគី រួមមានវិស័យសុខាភិបាល អប់រំ កសិកម្ម ដឹកជញ្ជូន និងបរិស្ថាន ក្នុងចំណោម វិស័យផ្សេងៗទៀត។ រដ្ឋមន្រ្តីការបរទេសទាំងពីរ បានឯកភាពពង្រឹង និងធ្វើឱ្យស៊ីជម្រៅបន្ថែមទៀត នូវទំនាក់ទំនង និងកិច្ចសហប្រតិបត្តិការដ៏ល្អដែលមានស្រាប់ ដែលនឹងរួមចំណែកដល់ការពង្រឹងបន្ថែមទៀត នូវភាពជាដៃគូយុទ្ធសាស្ត្រ គ្រប់ជ្រុងជ្រោយនៃប្រទេសទាំងពីរ។ រដ្ឋមន្ត្រីការបរទេសទាំងពីរ បានចែករំលែកទស្សនៈដូចគ្នាថា វិស័យទេសចរណ៍ដើរតួនាទីយ៉ាងសំខាន់ក្នុងការជំរុញការអភិវឌ្ឍន៍សេដ្ឋកិច្ច-សង្គម ជាពិសេសក្នុងបរិបទក្រោយវិបត្តិជំងឺកូវីដ-១៩។ ក្នុងស្មារតីនេះ ភាគីទាំងពីរបានស្វាគមន៍វេទិកាទេសចរណ៍អាស៊ាន (ATF) ឆ្នាំ២០២២ ដែលត្រូវបាននិងកំពុងរៀបចំនៅខេត្តព្រះសីហនុ ប្រទេសកម្ពុជា ក្រោមប្រធានបទ «សហគមន៍សន្តិភាព និងអនាគតរួមគ្នា» ។ ចំពោះកិច្ចសហប្រតិបត្តិការក្នុងតំបន់ និងអន្តរជាតិ ភាគីទាំងពីរបានផ្លាស់ប្តូរទស្សនៈគ្នាទៅវិញទៅមកលើបញ្ហាដែលជាចំណាប់អារម្មណ៍ និងការព្រួយបារម្ភរួម និងសម្តែងការគាំទ្រយ៉ាងពេញទំហឹងចំពោះគ្នាទៅវិញទៅមកនៅក្នុងវេទិកាពហុភាគីនានា ជាពិសេសក្នុងក្របខ័ណ្ឌ អាស៊ាន៕


Friday, January 21, 2022

ឯកឧត្តម ថោង ខុន អញ្ជើញជាអធិបតីបិទវេទិការទេសចរណ៍អាស៊ានលើកទី៤០ ឆ្នាំ២០២២និងប្រគល់ ស្លាកបន្តវេន្តទៅប្រទេសឥណ្ឌូនេស៊ី សម្រាប់រៀបចំវេទិកាទេសចរណ៍អាស៊ាននៅឆ្នាំ២០២៣

ចំនួនអ្នកទស្សនា: Views

  

ឯកឧត្តម ថោង ខុន អញ្ជើញជាអធិបតីបិទវេទិការទេសចរណ៍អាស៊ានលើកទី៤០ ឆ្នាំ២០២២និងប្រគល់ ស្លាកបន្តវេន្តទៅប្រទេសឥណ្ឌូនេស៊ី សម្រាប់រៀបចំវេទិកាទេសចរណ៍អាស៊ាននៅឆ្នាំ២០២៣ ព្រះសីហនុ: ថ្ងៃទី២១ ខែមករា ឆ្នាំ២០២២ ៕

 ឯកឧត្តម ថោង ខុន រដ្ឋមន្ត្រីក្រសួងទេសចរណ៍ ប្រធានគណៈកម្មការអន្តរក្រសួងរៀបចំវេទិកាទេសចរណ៍អាស៊ានលើកទី៤០ ឆ្នាំ២០២២ និងជាប្រធានវេទិកាទេសចរណ៍អាស៊ានឆ្នាំ២០២២ អញ្ជើញជាអធិបតីក្នុងពិធីបិទវេទិការទេសចរណ៍អាស៊ានលើកទី៤០ ឆ្នាំ២០២២(ATF 2022) និងប្រគល់ស្លាកបន្តវេនសម្រាប់រៀបចំវេទិកាទេសចរណ៍អាស៊ាន ឱ្យទៅសាធារណរដ្ឋឥណ្ឌូនេស៊ី ដែលតំណាងដោយ

លោកជំទាវ Ni Wayan Giri Adnyani អគ្គលេខាធិការអចិន្រ្តៃយ៍នៃក្រសួងទេសចរណ៍ និងសេដ្ឋកិច្ច នៃសាធារណរដ្ឋឥណ្ឌូនេស៊ី សម្រាប់វេទិការ ទេសចរណ៍​អាស៊ានឆ្នាំ២០២៣​ ខាងមុខ នាល្ងាចថ្ងៃទី២០ ខែមករា ឆ្នាំ២០២២ នៅសណ្ឋាគារឆ្នេរសុខា ក្រុងព្រះសីហនុ ខេត្តព្រះសីហនុ។

  

រូបថត៖ ងូ សុមុនី

Thursday, January 20, 2022

អាជ្ញាធរខណ្ឌកំបូលចុះប្រមូលសំរាមរាយប៉ាយ កាប់ត្រាយព្រៃតាមចិញ្ចើមផ្លូវ កៀរកំណកដីចេញពីលើផ្លូវធ្វើការផ្សព្វផ្សាយជាប្រចាំដល់សាធារណជនវេចខ្ចប់សំរាមឱ្យបានត្រឹមត្រូវ

ចំនួនអ្នកទស្សនា: Views

   


ភ្នំពេញ :ថ្ងៃទី២០ ខែមករា ឆ្នាំ២០២២ អាជ្ញាធរខណ្ឌកំបូល ដឹកនាំដោយលោក សេង គន្ធ អភិបាលរង តំណាងឱ្យអភិបាលខណ្ឌលោក ឃឹម ស៊ុនសូដា នៅរសៀលថ្ងៃ២រោច ខែបុស្ស ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃពុធ ទី១៩ ខែមករា ឆ្នាំ២០២២ រួមជាមួយមន្ត្រីពាក់ព័ន្ធនៃសាលាខណ្ឌ មន្ត្រីបរិស្ថាននៃសង្កាត់ទាំង៧ មេភូមិ ប្រជាការពារភូមិ និងសហការជាមួយក្រុមហ៊ុនប្រមូលសំរាម មីស៊្យូដា បានចុះប្រមូលសំរាមរាយប៉ាយ តាមបណ្ដោយផ្លូវជាតិលេខ៤ កាប់ត្រាយព្រៃតាមចិញ្ចើមផ្លូវ កៀរកំណកដីចេញពីលើផ្លូវ ក្នុងគោលបំណងបរិស្ថានស្អាត លើកកម្ពស់សោភណភាពទីក្រុង ។

ជាមួយគ្នានោះដែរលោក សេង គន្ធ អភិបាលរងខណ្ឌកំបូល ក៏បានធ្វើការផ្សព្វផ្សាយជាប្រចាំដល់សាធារណជន ឱ្យរៀបចំវេចខ្ចប់បញ្ចេញសំរាម ស្របតាមលិខិតបទដ្ឋាននានា និងតាមគោលការណ៍ណែនាំដែលបានដាក់ចេញ នាពេលកន្លងមកដោយសាលារាជធានីភ្នំពេញផងដែរ។

សកម្មភាពទាំងនេះក្នុងគោលបំណង រួមគ្នាសម្អាត និងថែទាំទីក្រុងឱ្យបានស្អាតស័ក្ដិសមជាទីក្រុងស្អាត សេវាល្អ ដើម្បីលើកកម្ពស់សោភណភាពទាក់ទាញភ្ញៀវទេសចរ ឱ្យចូលមកទស្សនារាជធានីភ្នំពេញ កាន់តែច្រើនឡើងថែមទៀត ។

លោក សេង គន្ធ ក៏បានអំពាវនាវដល់សាធារណជន សូមវេចខ្ចប់ទុកដាក់សំរាមឱ្យបានត្រឹមត្រូវតាមការណែនាំ ។ ក្នុងករណីដែលមិនព្រមអនុវត្តតាមការកំណត់ រដ្ឋបាលខណ្ឌនឹងអនុវត្តន៍នូវវិធានការរដ្ឋបាល និងលិខិតបទដ្ឋានដែលនៅជាធរមាន ៕ដោយសួស សំរិត សម្រួលផ្សាយដោយ៖ dara


Wednesday, January 19, 2022

ក្រុមសមាជិកព្រឹទ្ធសភា រំឭកដល់សមាជិកាក្រុមប្រឹក្សាឃុំ សង្កាត់ទាំងអស់ ត្រូវខិតខំបម្រើប្រជាពលរដ្ឋឱ្យកាន់តែល្អ

ចំនួនអ្នកទស្សនា: Views

 

កំពង់ចាម៖ ក្រុមសមាជិកព្រឹទ្ធសភា បានរំឭកដល់សមាជិកាក្រុមប្រឹក្សាឃុំ សង្កាត់ទាំងអស់ ត្រូវខិតខំបម្រើប្រជាពលរដ្ឋឱ្យកាន់តែល្អ និងយកចិត្តទុកដាក់បន្ថែមលើការអនុវត្តគោលនយោបាយភូមិ ឃុំ សង្កាត់មានសុវត្ថិភាព។

ក្នុងពិធីជួបសំណេះសំណាលជាមួយនឹងសមាជិកាក្រុមប្រឹក្សាឃុំ សង្កាត់ មកពីខេត្តកំពង់ចាម និងខេត្តត្បូងឃ្មុំ នាព្រឹកថ្ងៃទី១៨ ខែមករា ឆ្នាំ២០២២ លោកជំទាវ មាន សំអាន ប្រធានក្រុមសមាជិកាព្រឹទ្ធសភា និងជាប្រធានគណៈកម្មការទី៨ព្រឹទ្ធសភា បានសង្កត់ធ្ងន់ថា ឆ្នាំ២០២២នេះ ជាឆ្នាំរៀបចំការបោះឆ្នោតជ្រើសរើសក្រុមប្រឹក្សាឃុំ សង្កាត់អាណត្តិទី៥ ហេតុនេះសូមសមាជិកាក្រុមប្រឹក្សាឃុំ សង្កាត់ ត្រូវតែក្តាប់ឱ្យជាប់រាល់ផែនការសកម្មភាពឆ្ពោះទៅកាន់ការបោះឆ្នោត ដែលថ្នាក់លើបានដាក់ចុះ និងតាមដានអនុវត្តឱ្យបានល្អ តាមប្រតិទិននៃការបោះឆ្នោតដែលគ.ជ.ប បានដាក់ចុះ។

ចំពោះបញ្ហាប្រឈមការលំបាកខ្វះខាត ដែលមូលដ្ឋានបានជួបប្រទះត្រូវរួសរាន់ដោះស្រាយឱ្យបានឆាប់រហ័ស និងតម្លាភាព។ បញ្ហាណាដែលហួសពីសមត្ថកិច្ចឃុំ សង្កាត់ដោះស្រាយ ត្រូវសុំយោបល់ថ្នាក់លើដើម្បីដោះស្រាយ។

ជាមួយគ្នានេះ លោកជំទាវ មាន សំអាន បានក្រើនរំលឹកដល់សមាជិកាក្រុមប្រឹក្សាឃុំ សង្កាត់ ឱ្យបន្តប្រុងប្រយ័ត្នខ្ពស់ចំពោះជំងឺកូវីដ-១៩ ត្រូវតែបន្តជំរុញអនុវត្តរាល់វិធានការបង្ការទប់ស្កាត់ និងព្យាបាលដែលរាជរដ្ឋាភិបាល និងក្រសួងជំនាញពាក់ព័ន្ធបានដាក់ចុះ៕


Tuesday, January 18, 2022

ក្រសួងការពារជាតិ អះអាងថា ក្រុមគ្រូពេទ្យកងទ័ព មានបទពិសោធន៍គ្រប់គ្រាន់ក្នុងការចាក់វ៉ាក់សាំងដូសទី៤

ចំនួនអ្នកទស្សនា: Views

 

ភ្នំពេញ៖ មន្រ្តីជាន់ខ្ពស់ក្រសួងការពារជាតិបានអះអាងថា ក្រុមគ្រូពេទ្យក្រសួងការពារជាតិ មានបទពិសោធន៍ និងសមត្ថភាពគ្រប់គ្រាន់ ដើម្បីទទួលភារកិច្ចចាក់វ៉ាក់សាំងដូសទី៤ ដែលឆ្ពោះទៅសម្រេចជោគជ័យក្នុងការទប់ស្កាត់ការរីករាលដាលនៃជំងឺកូវីដ១៩ និងធានាសុវត្ថិភាពសុខភាពរបស់ប្រជាពលរដ្ឋ។

ថ្លែងក្នុងឱកាសចុះត្រួតពិនិត្យ ដំណើរការចាក់វ៉ាក់សាំងបង្ការជំងឺកូវីដ១៩ ដូសទី៤ ជូនដល់យោធិន អតីតយុទ្ធជន និងគ្រួសារ ឯកឧត្តម នាយឧត្តមសេនីយ៍ ឥត សារ៉ាត់ អគ្គមេបញ្ជាការរងនាយសេនាធិការចម្រុះ នៃកងយោធពលខេមរភូមិន្ទ និងជាប្រធានប្រតិបត្តិចាក់វ៉ាក់សាំងបង្ការជំងឺកូវីដ១៩ ក្រសួងការពារជាតិបានមានប្រសាសន៍ថា ក្រុមការងារអនុគណៈកម្មការចំពោះកិច្ចចាក់វ៉ាក់សាំងបង្ការជំងឺកូវីដ ១៩ ក្រសួងការពារជាតិ បានសហការយ៉ាងជិតស្និតជាមួយគណៈកម្មការចំពោះកិច្ចចាក់វ៉ាក់សាំងបង្ការជំងឺកូវីដ១៩ ដែលមានលោកជំទាវវេជ្ជបណ្ឌិត ឱ វណ្ណឌីន ជាប្រធាន តែងតែបញ្ជូនអ្នកជំនាញមកណែនាំដល់ក្រុមគ្រូពេទ្យកងទ័ព ទាំងផ្តល់សម្ភារៈ ឧបករណ៍បច្ចេកទេសជាដើម។

ឯកឧត្តមនាយឧត្តមសេនីយ៍ បានបញ្ជាក់ថា សម្រាប់ដំណើរការជោគជ័យក្នុងប្រតិបត្តិការចាក់វ៉ាក់សាំងបង្ការជំងឺកូវីដ១៩ កន្លងមកនេះ គឺសម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានយកចិត្តទុកយ៉ាងខ្លាំង ដោយសម្តេចតែងតែចង្អុលបង្ហាញគ្រប់ពេលវេលានូវចំណុចខ្វះខាតនៅក្នុងរង្វង់ប្រតិបត្តិការចាក់វ៉ាក់សាំងបង្ការជំងឺកូវីដ១៩ជូនដល់ប្រជាពលរដ្ឋនៅតាមគោលដៅទទួលខុសត្រូវរបស់កងយោធពលខេមរភូមិន្ទផងដែរ។

ប្រធានប្រតិបត្តិចាក់វ៉ាក់សាំងបង្ការជំងឺកូវីដ១៩ ក្រសួងការពារជាតិ បានឱ្យដឹងថា សម្រាប់ដំណើរការចាក់វ៉ាក់សាំងបង្ការជំងឺកូវីដ១៩ គឺក្រុមគ្រូពេទ្យរបស់កងទ័ព បានគិតគូរយ៉ាងហ្មត់ចត់ចំពោះកិច្ចការងាររបស់ខ្លួន ដែលរាជរដ្ឋាភិបាលបានប្រគល់ជូន ខណៈប្រតិបត្តិការចាក់វ៉ាក់សាំងបង្ការជំងឺកូវីដ១៩ ជូនគ្រួសារកងទ័ពកន្លងមក គឺមិនមានបញ្ហាស្មុគស្មាញណាមួយកើតឡើងនោះឡើយ។

ឯកឧត្តមនាយឧត្តមសេនីយ៍ ឥត សារ៉ាត់ បានគូសបញ្ជាក់ថា សម្រាប់ការទទួលភារកិច្ចចាក់វ៉ាក់សាំងបង្ការជំងឺកូវីដ១៩ នាពេលនេះ គឺត្រូវចាក់ជូនយោធិន អតីតយុទ្ធជន និងក្រុមគ្រួសារ ឱ្យអស់ជាមុនសិន។ ដោយឡែកសម្រាប់ដំណើរការវ៉ាក់សាំងដូសទី៣ កងទ័ពនៅតែបន្តចាក់ជូនប្រជាពលរដ្ឋជាបន្តបន្ទាប់ ក៏ប៉ុន្តែ ក្រុមការងារបានបង្រួមទីតាំងនៃការចាក់រហូតមកដល់ទីរួមស្រុក ឬនៅទីរួមខេត្ត ខណៈទីតាំងមួយចំនួនដែលកងទ័ពចាក់ ក៏ត្រូវបានប្រគល់ភារកិច្ចនេះជូនដល់មណ្ឌលសុខភាព ដើម្បីទទួលខុសត្រូវចាក់វ៉ាក់សាំងដូសជំរុញនេះបន្ត ដូច្នេះប្រជាពលរដ្ឋដែលដល់ពេលត្រូវចាក់ដូសជំរុញ អាចទៅចាក់បាននៅមូលដ្ឋានសុខាភិបាលដែលនៅក្បែរផ្ទះរបស់ពួកគាត់។

ឯកឧត្ដមបញ្ជាក់ថា «ខ្ញុំគិតថា យោធិនជាសុខាភិបាល របស់កងយោធពលខេមរភូមិន្ទ គាត់មានការយល់ដឹង គាត់មាន បទពិសោធន៍ខ្ពស់ណាស់អំពី បញ្ហាការចាក់វ៉ាក់សាំងនេះ អ៊ីចឹងនិយាយជារួមយើងចាក់ដូសទី១ ដូសទី២ ដូសជំរុញ មកដល់ដូសទី៤នេះ មិនដែលមានបញ្ហាអ្វីមួយកើតឡើងឡើយ គឺល្អណាស់ ប្រព្រឹត្តទៅយ៉ាងរលូនទាំងអស់ ទាំងការថែរក្សាវ៉ាក់សាំង»។

គួរជម្រាបថា កម្ពុជា ដែលធ្លាប់ទទួលបាននូវការសាទរក្នុងការចាក់វ៉ាក់សាំងបង្ការជំងឺកូវីដ១៩ ដូសមូលដ្ឋានជូនប្រជាពលរដ្ឋបានច្រើននោះ បានបន្ដបោះជំហានថ្មីមួយកម្រិតទៀតហើយ ក្នុងការចាក់វ៉ាក់សាំងជំងឺកូវីដ១៩។នៅថ្ងៃទី១៤ ខែមករា ឆ្នាំ២០២២ថ្មីៗនេះ ក្រុមបុគ្គលអាទិភាព មានទាំងមន្ដ្រីរាជការស៊ីវិល កងកម្លាំងប្រដាប់អាវុធ ក្រុមគ្រូពេទ្យ និងអ្នកសារព័ត៌មានជាដើមនោះ បានទទួលនូវការចាក់វ៉ាក់សាំងដូសទី៤ ដើម្បីបន្ដប្រយុទ្ធប្រឆាំងជំងឺកូវីដ១៩ ដែលកំពុងតែរីករាលដាល ពិសេសពពួកបំប្លែងខ្លួនថ្មី «អូមីក្រុង»។ផ្ដើមដំបូងក្រុមអាទិភាពនៅរាជធានីភ្នំពេញ ជាអ្នកទទួលបានការចាក់វ៉ាក់សាំងដូសទី៤ មុនគេ ដោយរាជរដ្ឋាភិបាលកម្ពុជា ប្រើប្រាស់នូវវ៉ាក់សាំងប្រភេទ Pfizer ដែលជាជំនួយរបស់អូស្ដ្រាលី។ វ៉ាក់សាំង Pfizer នេះរាជរដ្ឋាភិបាលកម្ពុជា មាននៅក្នុងដៃប្រមាណជាង២លាន៣សែនដូស៕

Monday, January 17, 2022

ឯកឧត្តម សាយ សំអាល់ បិទកិច្ចប្រជុំបូកសរុបលទ្ធផលការងារឆ្នាំ ២០២១ និងលើកទិសដៅអនុវត្តឆ្នាំ២០២២ របស់សហភាពសហព័ន្ធយុវជនកម្ពុជាខេត្តត្បូងឃ្មុំ

ចំនួនអ្នកទស្សនា: Views

 

(ត្បូងឃ្មុំ)៖ សហភាពសហព័ន្ធយុវជនកម្ពុជាខេត្តត្បូងឃ្មុំ បានរៀបចំកិច្ចប្រជុំបូកសរុបលទ្ធផលការងារឆ្នាំ២០២១ និងលើកទិសដៅអនុវត្តឆ្នាំ២០២២ ក្រោមអធិបតីភាពឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន និងជាប្រធានស្តីទីស.ស.យ.ក ឯកឧត្តមបណ្ឌិត ជាម ច័ន្ទសោភ័ណ សមាជិកគណៈកម្មាធិការថ្នាក់កណ្តាលស.ស.យ.ក និងជាអភិបាលនៃគណៈអភិបាលខេត្ត និងឯកឧត្តម ស៊ាក ឡេង ប្រធានក្រុមប្រឹក្សាខេត្តត្បូងឃ្មុំ។

ក្នុងកិច្ចប្រជុំដែលធ្វើឡើងនៅសាលាខេត្តត្បូងឃ្មុំ នាថ្ងៃទី១៥ ខែមករា ឆ្នាំ២០២២ លោក ម៉ៅ ឌុង ប្រធានសហភាពសហព័ន្ធយុវជនកម្ពុជា ខេត្តត្បូងឃ្មុំ បានធ្វើរាយការណ៍សកម្មភាពការងារដែលសម្រេចបាន និងបញ្ហាប្រឈមនៅក្នុងឆ្នាំ២០២១កន្លងទៅ និងលើកផែនការទិសដៅសំខាន់ៗសម្រាប់អនុវត្តន៍បន្តនាឆ្នាំ២០២២នេះ។

លោក ម៉ៅ ឌុង បានគូសបញ្ជាក់ថា ដោយសារតែការឆ្លងរីករាលដាលនូវជំងឺកូវីដ-១៩ ក្នុងសហគមន៍កាលពីឆ្នាំ២០២១ កន្លងទៅ បានធ្វើឲ្យមានការរាំងស្ទះ ឬពន្យានូវកិច្ចការងារមួយចំនួន ក៏ប៉ុន្តែសហភាពសហព័ន្ធយុវជនកម្ពុជា ខេត្តត្បូងឃ្មុំ សម្រេចបាននូវកិច្ចការដែលបានដាក់ចេញ និងបានចូលរួមក្នុងយុទ្ធនាការប្រយុទ្ធប្រឆាំង និងទប់ស្កាត់ការរីករាលដាលជម្ងឺកូវីដ-១៩ ជាមួយរាជរដ្ឋាភិបាល ពិសេសសម្រាប់ឆ្នាំ២០២២ នឹងបន្តបេសកម្មរបស់ខ្លួនលើគ្រប់វិស័យ ចូលរួមជួយការងារសង្គមឲ្យកាន់តែទ្វេឡើងបន្ថែមទៀត។

មានប្រសាសន៍សំណេះសំណាលឯកឧត្តម សាយ សំអាល់ ប្រធានស្ដីទីសហភាពសហព័ន្ធយុវជនកម្ពុជា បានកោតសរសើរ និងវាយតម្លៃខ្ពស់ចំពោះការងារដែលថ្នាក់ដឹកនាំ និងសមាជិកសមាជិកាស.ស.យ.កទូទាំងខេត្តត្បូងឃ្មុំ សម្រេចបាន និងទិសដៅការងារបន្ត។

ក្នុងឱកាសនោះដែរឯកឧត្តម សាយ សំអាល់ ក៏បានលើកឡើងនូវសារៈសំខាន់នៃសាមគ្គីភាព ក្រោមម្លប់សន្តិភាព ដែលនាំឱ្យយុវជនទទួលបានឱកាសជាច្រើនក្នុងការអភិវឌ្ឍន៍ខ្លួន និងសង្គមជាតិ។

បន្ថែមពីនេះ ឯកឧត្តម ក៏បានផ្ដល់ជាអនុសាសន៍ណែនាំឲ្យ សមាជិក សមាជិកា ខិតខំបន្ដពង្រឹង និងអភិវឌ្ឍសមត្ថភាពរបស់ខ្លួន ក៏ដូចជារួមចំណែកការអភិវឌ្ឍន៍ធនធានមនុស្សទាំងចំណេះដឹង និងជំនាញដល់យុវជនជំនាន់ក្រោយ។

ក្នុងឳកាសនោះ គណៈអធិបតីបានផ្តល់លិខិតសរសើរដល់សប្បុរសជន ដែលបានចូលរួមជួយឧបត្តម្ភថវិកា សម្ភាៈ ជួយទ្រទ្រង់បេសកម្មការងារ និងស.ស.យ.ក ក្រុង-ស្រុក ដែលខិតខំក្នុងសកម្មភពការងារនៅតាមមូលដ្ឋាន ក៏ដូចជាថតរូបអនុស្សាវរីយ៍ជាមួយសមាជិកសមាជិកាទាំងអស់ផងដែរ៕ ដោយ៖ មន្ទីរព័ត៌មានខេត្តត្បូងឃ្មុំ សម្រួលផ្សាយដោយ៖ dara

Saturday, January 15, 2022

ក្រុមការងារចល័តក្រសួងសាធារណការ ឃាត់រថយន្តដឹកលើសទម្ងន់តាមដងផ្លូវនៅខេត្តកំពង់ស្ពឺ, រកឃើញរថយន្ត៤គ្រឿងលើសទម្ងន់កំណត់ ដោយពិន័យជាប្រាក់ និងឃាត់ទុក១ឆ្នាំ

ចំនួនអ្នកទស្សនា: Views


(កំពង់ស្ពឺ)៖ គណៈកម្មាធិការដឹកនាំការត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ នៃក្រសួងសាធារណការ និងដឹកជញ្ជូន នៅថ្ងៃទី១៤ ខែមករា ឆ្នាំ២០២២ បានសហការមន្ត្រីស្ថានីយជញ្ជីងអចល័តពោធិ៍ថ្មី-ខេត្តកំពង់ស្ពឺ និងសមត្ថកិច្ចពាក់ព័ន្ធបានចុះត្រួតពិនិត្យយានយន្តដឹកជញ្ជូនចំនួន០៤គ្រឿង ដឹកខ្សាច់ និងដី ដោយផាកពិន័យជាប្រាក់ និងឃាត់រថយន្តទុករយៈពេល០១ឆ្នាំ ដោយអនុលោមតាមមាត្រា៦០ នៃច្បាប់ស្តីពីផ្លូវថ្នល់នៅចំណុចផ្លូវជាតិលេខ៤៤ ត្រង់គ.ម ១២៣ ឃុំវាលពង់ ស្រុកថ្ពង ខេត្តកំពង់ស្ពឺ។ 

 ប្រតិបត្តិការនេះ ដឹកនាំដោយលោក គីម សាន់ អនុរដ្ឋលេខាធិការ ក្រសួងសាធារណការ និងដឹកជញ្ជូន ដោយមានការចូមរួមពីសំណាក់លោក តាំង ពៅ ប្រធានលេខាធិការដ្ឋានរបស់គណៈកម្មាធិការសម្របសម្រួលអចិន្ត្រៃយ៍ និងមន្ត្រីពាក់ព័ន្ធជាច្រើននាក់ផ្សេងទៀតផងដែរ។ ក្នុងកិច្ចប្រតិបត្តិការណ៍នេះលោក គឹម សាន់ ក៏បានពន្យល់ណែនាំដល់ម្ចាស់រថយន្តឱ្យយល់ពីច្បាប់នៃការដឹកជញ្ជូនលើសទម្ងន់កម្រិតកំណត់ (ច្បាប់ផ្លូវថ្នល់) និងសំណូមពរកុំឱ្យដឹកជញ្ជូនលើសទម្ងន់បន្តទៀត ព្រោះការដឹកលើសទម្ងន់បានបង្ក មហន្តរាយដល់ផ្លូវជាតិ និងគ្រោះថ្នាក់ចរាចរណ៍ធ្ងន់ធ្ងរ។

 បើតាមលោកទេសរដ្ឋមន្ត្រី ស៊ុន ចាន់ថុល បានថ្លែងកាលពីពេលថ្មីៗនេះថា ក្រុមការងារនឹងចាត់ការតាមនីតិវិធីដោយគ្មានយោគយល់ខ្សែរនរណាឡើយ បើសិនរកឃើញថា រថយន្តដឹកទាំងឡាយណាហ៊ានដឹកលើសទម្ងន់។ សកម្មភាពនៃការចុះប្រតិបត្តិការនេះនឹងធ្វើជាបន្តបន្ទាប់ទូទាំងប្រទេស ដើម្បីរឹតបន្តឹងការដឹកជញ្ជូនឱ្យស្របតាមច្បាប់ ការពារមិនឱ្យមានជនខិលខូចបំផ្លិចបំផ្លាញផ្លូវតាមអំពើចិត្តឡើយ។ ជាថ្មីម្តងទៀត ក្រសួងសាធារណការ និងដឹកជញ្ជូន សូមធ្វើការក្រើនរំលឹក និងអំពាវនាវដល់សមាគមដឹកជញ្ជូនទំនិញផ្លូវគោក សមាគមភ្នាក់ងារបញ្ជូនទំនិញកម្ពុជា ម្ចាស់ក្រុមហ៊ុនដឹកជញ្ជូន ម្ចាស់រថយន្តធុនធ្ងន់ ម្ចាស់ការដ្ឋានអាជីវកម្មកិនថ្ម ម្ចាស់ដេប៉ូខ្សាច់ ម្ចាស់ការដ្ឋានជីកយកអាចម៍ដី ឬប្រតិបត្តិករដឹកជញ្ជូនធុនធ្ងន់ និងអ្នកបើកបររថយន្តធុនធ្ងន់ទាំងអស់ សូមចូលរួមអនុវត្តបទប្បញ្ញត្តិច្បាប់ និងលិខិតបទដ្ឋានគតិយុត្តនានាឱ្យបានម៉ឹងម៉ាត់ និងទំនួលខុសត្រូវខ្ពស់ទាំងអស់គ្នា។ ទន្ទឹមនឹងនេះ ក្រសួងនឹងនៅបន្តអនុវត្តតាមបទប្បញ្ញត្តិច្បាប់ ដើម្បីទប់ស្កាត់យានយន្តដឹកជញ្ជូនលើសទម្ងន់កម្រិតកំណត់យ៉ាងតឹងរ៉ឹងបំផុតដោយគ្មានការលើកលែងឡើយ៕


Friday, January 14, 2022

រដ្ឋមន្ត្រី ព្រុំ សុខា ចូលរួមសន្និបាតបូកសរុបលទ្ធផលការងារ៥ឆ្នាំកន្លងទៅ និងលើកទិសដៅបន្តអាណត្តិទី៥ របស់គណបក្សឃុំបឹងព្រះ

ចំនួនអ្នកទស្សនា: Views


សន្និបាតនេះបានប្រព្រឹត្តទៅកាលពីរសៀលថ្ងៃទី១៣ ខែមករា ឆ្នាំ២០២២ នៅទីស្នាក់ការគណបក្សប្រជាជនឃុំបឹងព្រះ ស្រុកបាភ្នំ ខេត្តព្រៃវែង ដោយមានការចូលរួមពីសំណាក់ សមាជិក សមាជិកា គណៈកម្មាធិការ បក្សឃុំ គណៈសាខាបក្សភូមិ គណៈសាខាបក្សចំណុះឱ្យឃុំ និងប្រធានក្រុមបក្ស សរុបអ្នកចូលរួមមានជាង ៣០០នាក់។

ក្រោយពីមតិស្វាគមន៍របស់លោក អ៊ីវ លាង ប្រធានក្រុមការងារឃុំ និងការធ្វើរបាយការណ៍របស់លោក ណុប ចឹក ប្រធានគណៈកម្មាធិការបក្សឃុំបឹងព្រះ ស្តីពីលទ្ធផលអនុវត្តការងារអាណត្តិទី៤ និងផែនការអភិវឌ្ឍឃុំសំរាប់រយៈពេល៥ឆ្នាំខាងមុខ ព្រមទាំងការអនុម័តរបស់អង្គសនិ្នបាតលើឯកសារទាំងនេះរួចមក លោករដ្ឋមន្ត្រី ព្រុំ សុខា ប្រធានក្រុមការងារស្រុកបាភ្នំ បានថ្លែងកោតសរសើរក្នុងនាមថ្នាក់ដឹកនាំគណបក្ស ជូនដល់ក្រុមការងារគ្រប់លំដាប់ថ្នាក់ និង មន្រ្តីនៅមូលដ្ឋាន ដែលបានចូលរួមយ៉ាងសកម្មក្នុងការអនុវត្ត សម្រេចដោយជោគជ័យនូវរាល់ គោលនយោបាយ គោលការណ៍ និង សេចក្តីសម្រេចរបស់គណបក្ស ដែលបាននាំមកនូវ សមិទ្ធផលជាច្រើន គួរជាទីមោទនៈក្នុងមួយអាណត្តិកន្លងមក។

លោករដ្ឋមន្រ្តីក៏បានសំដែងនូវអំណរសាទរ ចំពោះបេក្ខជនទាំងអស់ ដែលត្រូវបានជ្រើសរើសជាផ្លូវការ សំរាប់ចូលរួមការប្រកួតប្រជែងក្នុងការ បោះឆ្នោតជ្រើសរើសក្រុមប្រឹក្សា ឃុំ សង្កាត់ នាពេលខាងមុខ។

ថ្លែងមតិបូកសរុបបិទសន្និបាតលោករដ្ឋមន្រ្តី ព្រុំ សុខា ប្រធានក្រុមការងារស្រុកបាភ្នំ បានគូសបញ្ជាក់រំលឹកដល់អង្គសន្និបាត ត្រូវបន្តជំរុញចលនាសកម្មភាពយ៉ាងសស្រោកសស្រាំ ដើម្បីអនុវត្តផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ ក្នុងឆ្នាំ២០២២នេះ។

យើងទាំងអស់គ្នា ត្រូវធ្វើជាគំរូឈានមុខក្នុងការជំរុញយ៉ាងសកម្ម នូវសកម្មភាពជាក់ស្ដែង ជាអំពើល្អតាមគ្រប់រូបភាព នៅគ្រប់ពេលវេលា និងគ្រប់ទីកន្លែង។

ក្នុងន័យនេះ មន្ត្រីមូលដ្ឋានយើង ត្រូវធ្វើជាស្នូលឱ្យកំលាំងសាមគ្គីរបស់ប្រជាពលរដ្ឋ ច្រើនកុះករនៅតាមសហគមន៍មូលដ្ឋាន ភូមិ ឃុំ ចូលរួមកាន់តែខ្លាំងក្លាថែមទៀត បន្តគាំទ្រចលនាជាតិស្ថិតក្រោមមគ្គុទ្ទេសក៍ដ៏ថ្លៃថ្លារបស់សម្ដេចតេ ជោ ហ៊ុន សែន ប្រមុខគណបក្សប្រជាជនកម្ពុជា និង រាជរដ្ឋាភិបាលកម្ពុជាក្នុងការប្រយុទ្ធទប់ស្កាត់ និងគ្រប់គ្រងឱ្យបានការរាតត្បាតនៃកូវីដ-១៩ និងការដោះស្រាយរាល់ផលវិបាកនៃជំងឺដ៏កាចសាហាវនេះ ដើម្បីជំរុញដំណើរការបើកសេដ្ឋកិច្ច និងសង្គមជាតិឱ្យមានប្រក្រតីភាពឡើងវិញយ៉ាងឆាប់រហ័ស សំដៅបង្កឱ្យបានប្រៀបឈ្នះយ៉ាងរឹងមាំ របស់កំលាំងនយោបាយគណបក្សយើងឈានទៅដណ្តើមជ័យជម្នះទាំងស្រុង សម្រាប់ការបោះឆ្នោតឆ្នាំ២០២២ និង២០២៣ខាងមុខ៕