-->
RMNTVONLINE.COM.....មានទទួលសេវាកម្មផ្សាយពាណិជ្ជកម្ម​ គ្រប់ប្រភេទ...ទីស្នាកការកណ្តាល ៖​ ភូមិព្រែកក្របៅទី៣ ឃុំព្រែកអំពិល ស្រុកខ្សាច់កណ្ដាលខេត្តកណ្ដាល Tele: 0973256333 / 017251199

RMNTVONLINE.COM.....មានទទួលសេវាកម្មផ្សាយពាណិជ្ជកម្ម​ គ្រប់ប្រភេទ...ទីស្នាកការកណ្តាល ៖​ ភូមិព្រែកក្របៅទី៣ ឃុំព្រែកអំពិល ស្រុកខ្សាច់កណ្ដាលខេត្តកណ្ដាល Tele: 0973256333 / 017251199

Monday, July 4, 2022

ឯកឧត្តម ឧបនាយករដ្ឋមន្រ្ដី ប្រាក់ សុខុន អញ្ជើញជួបពិភាក្សាទ្វេភាគី ជាមួយរដ្ឋមន្រ្តីការបរទេសចិន នៅមីយ៉ាន់ម៉ា

ចំនួនអ្នកទស្សនា: Views

       


 ឯកឧត្តម ឧបនាយករដ្ឋមន្រ្ដី ប្រាក់ សុខុន រដ្ឋមន្រ្តីការបរទេស និងសហប្រតិបត្តិការអន្តរជាតិ អញ្ជើញជួបពិភាក្សាទ្វេភាគី ជាមួយ ឯកឧត្តម វ៉ាង យី (Wang Yi) ទីប្រឹក្សារដ្ឋ និងជារដ្ឋមន្រ្តីការបរទេស នៃសាធារណរដ្ឋប្រជាមានិតចិន ខណ:ឯកឧត្តមទាំងពីរអញ្ជើញចូលរួមកិច្ចប្រជុំរដ្ឋមន្ត្រីការបរទេសនៃកិច្ចសហប្រតិបត្តិការមេគង្គ-ឡានឆាង លើកទី៧ នៅទីក្រុងបាកាន ប្រទេសមីយ៉ាន់ម៉ា នៅថ្ងៃទី០៣ ខែកក្កដា ឆ្នាំ២០២២។
ភាគីទាំងពីរបានបន្តប្តេជ្ញាចិត្តក្នុងការធ្វើំឱ្យទំនាក់ទំនងទ្វេភាគីរបស់ប្រទេសទាំងពីរកាន់តែស៊ីជម្រៅថែមទៀត ខណៈដែលទំនាក់ទំនងនាពេលបច្ចុប្បន្ននេះកំពុងស្ថិតនៅចំណុចខ្ពស់បំផុត។
រូបថត៖ ក្រសួងការបរទេស


Saturday, July 2, 2022

អភិបាលខេត្តកែប អញ្ជើញចុះពិនិត្យការដ្ឋានស្ថាបនានិងជួសជុលលូរំដោះទឹក ៣កន្លែង

ចំនួនអ្នកទស្សនា: Views


កែប៖ នៅព្រឹកថ្ងៃទី០១ ខែកក្កដា ឆ្នាំ២០២២នេះ ឯកឧត្តមបណ្ឌិត សោម ពិសិដ្ឋ អភិបាលខេត្តកែប បានអញ្ជើញចុះពិនិត្យការដ្ឋាន ស្ថាបនានិងជួសជុលលូរំដោះទឹក ៣កន្លែង មានលូមូលទទឹងផ្លូវប្រវែង២៥ម៉ែត្រ លូមូលបណ្តោយផ្លូវប្រវែង ៤៦០ម៉ែត្រ និងលូជ្រុង កម្ពស់ ២ម៉ែត្រ និងបណ្តោយ ២៥ម៉ែត្រ ស្ថិតនៅភូមិកែវក្រសាំង ក្រុងកែប ខេត្តកែប និងប្រឡាយបេតុងមានគម្របទំហំ(១,០០០*១,៨៥០) ប្រវែង ១៣៣ម៉ែត្រ លើកំណត់ផ្លូវ៣៣A មានទីតាំងពយព្រះរាជដំណាក់ ។ កែបជាខេត្តមានសក្កានុពលខាងវិស័យទេសចរណ៍ មានទាំង កោះ ភ្នំ សមុទ្រ  និងសម្បូរដោយធនធានធម្មជាតិ និងជីវៈចម្រុះ ។ ដើម្បីកែលម្អហេដ្ឋារចនាសម្ព័ន្ធក្នុងខេត្តកែប ឱ្យមានភាពស្រស់បំព្រង និងទាក់ទាញភ្ញៀវទេសចរមកសម្រាកលម្ហែក្នុងខេត្តកាន់តែច្រើន និងងាយស្រួលដល់ប្រជាពលរដ្ឋក្នុងខេត្តផងដែរនោះ ថ្នាក់ដឹកនាំខេត្ត  ដែលមាន ឯកឧត្តមបណ្ឌិត សោម ពិសិដ្ឋ ជាអភិបាលខេត្ត និងមានការយកចិត្តទុកដាក់ខ្ពស់ពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានប្រែក្លាយ ខេត្តកែបឱ្យកាន់តែមានការ រីកចម្រើនជាបន្តបន្ទាប់លើគ្រប់វិស័យ ដោយឡែកថ្ងៃនេះ ខេត្តកែប  បានស្ថាបនាជួសជុលពង្រីកប្រព័ន្ធលូរំដោះទឹក និងប្រឡាយបេតុងមានគម្រប បន្ថែមទៀត។

 បើតាមរបាយការណ៍របស់លោក ម៉ម ទូច ប្រធានមន្ទីរសាធារណៈការ និងដឹកជញ្ជូនខេត្ត  បានឱ្យដឹងថា គម្រោងទាំង ២នេះ បានចាប់ផ្តើមស្ថាបនា និងជួសជុល ពីខែមីនា ឆ្នាំ២០២២ មកដល់ថ្ងៃទី ១ ខែកក្កដា ឆ្នាំ២០២២ គឺសម្រេចបាន ៥៤%នៃផែនការហើយ។

   ការចុះពិនិត្យទីតាំងនៃគម្រោងទាំង ២នៅពេលនោះ ឯកឧត្តមបណ្ឌិត សោម ពិសិដ្ឋ អភិបាលខេត្តកែប បញ្ជាក់ថា គម្រោងទាំង២ ដែលមានលូរំដោះទឹកភ្លៀង និងប្រឡាយបេតុងមានគម្របនេះ នឹងជួយដោះស្រាយបញ្ហាការកកស្ទះកាកសំណល់រាវ និងជំនន់ទឹកភ្លៀង នៅតាមបណ្តោយ ផ្លូវជាតិលេខ៣៣A ដែលកន្លងមកក្នុងរដូវវស្សាគឺមានបញ្ហាជំនន់ទឹកភ្លៀង ដោយសារការស្ទះលូ និងលូមានទំហំតូច។ ឯកឧត្តម  អភិបាលខេត្ត បានធ្វើការណែនាំដល់ក្រុមការងារបច្ចេកទេសសាងសង់ត្រូវពន្លឿនការជួសជុលឱ្យបានលឿន  មុនរដូវភ្លៀងចូលមកដល់ ធ្វើយ៉ាងណាការពារកុំឱ្យមានផលប៉ះពាល់ដល់ជីវភាពរស់នៅរបស់ប្រជាពលរដ្ឋ និងត្រូវធ្វើតាមស្ដង់ដារបច្ចេកទេសឱ្យបានត្រឹមត្រូវ ដើម្បីធានាដល់ការប្រើប្រាស់ឱ្យបានយូរអង្វែង៕មន្ទីរព័ត៌មានខេត្តកែប:សម្រួលដោយ:dara

Friday, July 1, 2022

អភិបាលខេត្ត សម្ពោធដាក់ឱ្យប្រើប្រាស់ផ្លូវបេតុងមួយខ្សែ នៅស្រុកល្វាឯម

ចំនួនអ្នកទស្សនា: Views



 (កណ្ដាល): ថ្ងៃទី០១ ខែកក្កដា ឆ្នាំ២០២២ ផ្លូវបេតុងអាមេប្រវែង ២ ០០០ម៉ែត្រ ទទឹង៩ម៉ែត្រ កម្រាស់២តឹក ឆ្លងកាត់ភូមិបារាជ និង ភូមិស្វាយជ្រំ ស្រុកខ្សាច់កណ្តាល និងភូមិអរិយក្សត្រ ឃុំអរិយក្សត្រ ស្រុកល្វាឯម ដែលជាចំណងដៃថ្មី ផ្តល់ជូនប្រជាពលរដ្ឋរស់នៅ ឃុំទាំងពីរ នៃស្រុកទាំងពីរខាងលើ ប្រើប្រាស់ជាផ្លូវការ ដែលធ្វើពិធីសម្ពោធនេះ ក្រោមអធិបតីភាព ឯកឧត្តម គង់ សោភ័ណ្ឌ អភិបាលខេត្តកណ្តាល នារសៀលថ្ងៃ២កើត ខែអាសាឍ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃព្រហស្បតិ៍ ទី៣០ ខែមិថុនា ឆ្នាំ២០២២ ។

ឯកឧត្តម គង់ សោភ័ណ្ឌ អភិបាលខេត្ត បានមានប្រសាសន៍ថា ការកសាង និងតភ្ជាប់ហេដ្ឋារចនាសម្ព័ន្ធ គឺជាចលករមួយដ៏ប្រសើរ ដែលជួយសម្រួលដល់លំហូរដោយសេរីគ្រប់ផ្នែកទាំងអស់លើគ្រប់វិស័យ ដើម្បីជួយទប់លំនឹងស្ថិរភាពកំណើនម៉ាក្រូសេដ្ឋកិច្ច រួមទាំងការលើកកម្ពស់កម្រិតជីវភាព និងគុណភាពជីវិតរបស់បងប្អូនប្រជាពលរដ្ឋ។

ឯកឧត្តមបន្តថា ពិធីសម្ពោធដាក់ឱ្យប្រើប្រាស់ជាផ្លូវការនូវផ្លូវបេតុងអាមេ នាពេលនេះ គឺជាសមិទ្ធផលថ្មីបន្ថែមទៀត ជាមួយនឹងសមិទ្ធផលជាច្រើនផ្សេងទៀត របស់ស្រុកល្វាឯម និងស្រុកខ្សាច់កណ្តាល ខេត្តកណ្តាល ក្នុងវិស័យសេដ្ឋកិច្ច-សង្គម ប្រកបដោយសមធម៌ និងបរិយាប័ន្ន ស្របតាមគោលនយោបាយយុទ្ធសាស្ត្រចតុកោណ របស់រាជរដ្ឋាភិបាល ក្រោមការដឹកនាំដ៏ឈ្លាសវៃ និង ប៉ិនប្រសប់ ប្រកបដោយគតិបណ្ឌិត របស់សម្តេចអគ្គមហាសនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងជាអគ្គមហារដ្ឋបុរស នៃព្រះរាជាណាចក្រកម្ពុជា ដែលបានកំណត់យក «មនុស្ស ទឹក ផ្លូវ ភ្លើង» ជាអាទិភាព ដើម្បីលើកកម្ពស់ផាសុកភាព និងជីវភាពរស់នៅជូនប្រជាពលរដ្ឋ។ រាជរដ្ឋាភិបាល បានយកធនធានមនុស្សជាអាទិភាព នៅគ្រប់ដំណាក់កាល នៃយុទ្ធសាស្ត្រចតុកោណ ជាពិសេសនៅក្នុងដំណាក់កាលទី៣ និងទី៤នេះ រាជរដ្ឋាភិបាល បានកំណត់យក “ ធនធានមនុស្ស ” ជាអាទិភាពទី១ ក្នុងការកសាង និងអភិវឌ្ឍន៍ប្រទេសជាតិលើគ្រប់វិស័យ « មានផ្លូវ មានស្ពាន មានក្តីសង្ឃឹម និងមានការអភិវឌ្ឍ និង មានសន្តិភាព ទើបមានអ្វីៗដូចថ្ងៃនេះ» ។

សូមបញ្ជាក់ថា ផ្លូវបេតុងអាមេប្រវែង ២ ០០០ម៉ែត្រ ទទឹង៩ម៉ែត្រ កម្រាស់២តឹក គឺជាការជួយឧបត្ថម្ភដោយលោកឧកញ៉ា គង់ ប៊ុនហាវ អគ្គនាយកក្រុមហ៊ុនបុរីវិឡាទួលសង្កែស៊ីធី និង លោកជំទាវ និងលោកឧកញ៉ា លី សេងឃាង អគ្គនាយកក្រុមហ៊ុន បុរីចតុមុខស៊ីធី និងលោកជំទាវ ៕ ដោយ ណយ នឿន (ប្រភពៈរដ្ឋបាលខេត្តកណ្តាល) សម្រួលផ្សាយដោយ៖ dara

Thursday, June 30, 2022

រដ្ឋបាលក្រុងប៉ៃលិនរៀបចំវេទិកាផ្សព្វ ផ្សាយ និងពិគ្រោះយោបល់ អាណត្តិទី៣ ឆ្នាំ២០២២ របស់ ក្រុមប្រឹក្សាក្រុងប៉ៃលិន

ចំនួនអ្នកទស្សនា: Views



ប៉ៃលិន ៖ នៅព្រឹកថ្ងៃទី២៩ ខែមិថុនា  ឆ្នាំ២០២២ រដ្ឋបាលក្រុងប៉ៃលិន បានរៀបចំវេទិកាផ្សព្វផ្សាយ និងពិគ្រោះយោបល់ របស់ក្រុមប្រឹក្សាក្រុងប៉ៃលិន អាណត្តិទី៣ ប្រចាំឆ្នាំ២០២២ ក្រោមអធិបតីភាពលោក សួន ប៊ុនសង ប្រធានក្រុមប្រឹក្សាក្រុង និងលោក ស៊ុន យី អភិបាលនៃគណៈអភិបាលក្រុងប៉ៃលិន ដោយមានការអញ្ជើញចូលរួមពីលោក លោកស្រី ជាសមាជិកក្រុមប្រឹក្សាក្រុង រួមទាំងលោក លោកស្រីជាអភិបាលរងក្រុង លោកលោកស្រីក្រុមប្រឹក្សាសង្កាត់ និងបងប្អូនប្រជាពលរដ្ឋ សរុបប្រមាណ២៧៣ នាក់ ។

លោក ស៊ុន យី អភិបាលក្រុងប៉ៃលិនបានមានប្រសាសន៍ថា៖វេទិកាពិគ្រោះយោបល់របស់ក្រុមប្រឹក្សាក្រុង ត្រូវបានប្រារព្ធធ្វើ ឡើងនេះ ក្នុងគោលបំណងជម្រាបជូនប្រជាពលរដ្ឋនូវ ព័ត៌មានអំពីការធ្វើសេចក្តីសម្រេចចិត្ត និងសកម្មភាព ដែលក្រុម ប្រឹក្សាបានអនុវត្តការងារពេលកន្លងមក ជាពិសេស ដើម្បីបង្កើតឱកាសពិភាក្សា លើកកម្ពស់គណនេយ្យភាព តាមបែបប្រជាធិបតេយ្យ ថ្នាក់ក្រោមជាតិ ជាចំណែកកែលម្អ សេវាសាធារណៈ ឈានទៅរកការប្រមូលព័ត៌មាន និងបញ្ហាប្រឈមផ្សេងៗ ក្នុងមូលដ្ឋាន របស់ខ្លួន ដើម្បីដោះស្រាយ នូវបញ្ហាទុក្ខកង្វល់នានា ជូនបងប្អូនប្រជាពលរដ្ឋ ដែលបានលើក ឡើងក្នុងវេទិកានេះ ។   លោកបានបន្តទៀតថា៖ក្នុងនាមរដ្ឋបាលក្រុង សូមថ្លែង អំណរគុណដល់ថ្នាក់ដឹកនាំ តំណាងអង្គភាព និងក្រុមការងារ ពាក់ព័ន្ធទាំង អស់ដែលបានអញ្ជើញចូលរួម និងសហការ ធ្វើឱ្យវេទិកានេះ អាចដោះ ស្រាយកង្វល់ជូនបងប្អូនប្រជាពលរដ្ឋ ប្រកបដោយ បរិយាកាសល្អប្រសើរ ផងដែរ។

លោក សួន ប៊ុនសង ប្រធានក្រុមប្រឹក្សាក្រុងបានមានប្រសាសន៍ថា៖នៅក្នុងវេទិកាពិគ្រោះយោបល់ របស់ក្រុមប្រឹក្សា ក្រុងប៉ៃ លិន នាឱកាសនេះ បងប្អូនប្រជាពលរដ្ឋបានលើកឡើងជាសំណូមពរសរុបចំនួន ៦៣ ក្នុងនោះអង្គវេទិកា បានដោះស្រាយបំភ្លឺជូនបានចំនួន១៣ សំណូមពរ ប៉ុន្តែមិនទាន់ដោះស្រាយបាន១០០%នៅ ឡើយទេ។លោកបានបន្តថា៖ ឆ្លើយតប ទៅនឹងបញ្ហាទាំងអស់នេះ លោកក៏បានប្តេជ្ញាយកចិត្តទុកដាក់ដោះស្រាយ និងជំរុញដល់ស្ថាប័នមន្ទីរជំនាញដែលទាំង អស់ធ្វើការដោះស្រាយបញ្ហាទាំងនេះឱ្យបានជាបន្តបន្ទាប់ស្របតាមគោលនយោ បាយរបស់រាជរដ្ឋាភិបាល៕

មន្ទីរព័ត៌មានខេត្តប៉ៃលិន:សម្រួលដោយ:dara


Wednesday, June 29, 2022

ឯកឧត្តម ឧបនាយករដ្ឋមន្ត្រី ប្រាក់ សុខុន អញ្ជើញដឹកនាំគណៈប្រតិភូទៅបំពេញទស្សនកិច្ចការងារលើកទីពីរ នៅមីយ៉ាន់ម៉ា

ចំនួនអ្នកទស្សនា: Views



 ភ្នំពេញ ថ្ងៃទី២៩ ខែមិថុនា ឆ្នាំ២០២២

ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្រ្តីការបរទេស និងសហប្រតិបត្តិការអន្តរជាតិនៃព្រះរាជាណាចក្រកម្ពុជា ក្នុងនាមជាប្រេសិតពិសេសរបស់ប្រធានអាស៊ានស្តីពីមីយ៉ាន់ម៉ា អញ្ជើញដឹកនាំគណៈប្រតិភូទៅបំពេញទស្សនកិច្ចការងារលើកទីពីរ នៅសាធារណរដ្ឋសហភាពមីយ៉ាន់ម៉ា នាព្រឹកថ្ងៃទី២៩ ខែមិថុនា ឆ្នាំ២០២២ ដែលទស្សនកិច្ចផ្លូវការនេះមានចំនួន០៥ថ្ងៃ ពីថ្ងៃទី២៩ ខែមិថុនា ដល់ថ្ងៃទី០៣ ខែកក្កដា ឆ្នាំ២០២២។

រូបថត៖ ក្រសួងការបរទេស


Tuesday, June 28, 2022

សម្តេចតេជោ ហ៊ុន សែន៖ ទោះត្រូវប្រឈមមុខឧបសគ្គរាប់ម៉ឺនជំពូក និងការប៉ុនប៉ងឥតឈប់ឈរ ពីសំណាក់កម្លាំងអមិត្តដើម្បីផ្ដួលរំលំ ក៏គណបក្សប្រជាជនកម្ពុជា នៅតែឈររឹងមាំជាមួយការគាំទ្រដ៏ធំធេងពីប្រជាជន

ចំនួនអ្នកទស្សនា: Views


(ភ្នំពេញ)៖ សម្តេចតេជោ ហ៊ុន សែន ប្រធានគណបក្សប្រជាជនកម្ពុជា នាយករដ្ឋមន្ត្រីនៃកម្ពុជា បានលើកឡើងថា ទោះបីត្រូវប្រឈមមុខនឹង ឧបសគ្គរាប់ម៉ឺនជំពូក និងការប៉ុនប៉ងឥតឈប់ឈរពីសំណាក់កម្លាំងអមិត្ត ដើម្បីផ្ដួលរំលំគណបក្សប្រជាជនកម្ពុជាយ៉ាងណាក្តី ក៏គណបក្សប្រជាជនកម្ពុជា នៅតែឈររឹងមាំជាមួយនឹងការ គាំទ្រដ៏ធំធេងពីប្រជាជន ព្រមទាំងការជួយឧបត្ថម្ភ ពីប្រទេសជាមិត្តជិតឆ្ងាយទាំងឡាយ រាំងស្កាត់បានការប៉ុនប៉ងវិលត្រឡប់មកវិញ នៃរបបប្រល័យពូជសាសន៍។


ការថ្លែងរបស់សម្តេចតេជោ ហ៊ុន សែន ធ្វើឡើងនៅក្នុងពិធីមីទ្ទិញរំឭកខួបទី៧១ ថ្ងៃបង្កើតគណបក្សប្រជាជនកម្ពុជា (២៨.០៦.១៩៥១-២៨.០៦.២០២២) នៅថ្ងៃទី២៨ ខែមិថុនានេះ នាវិមាន៧មករា។


សម្តេចតេជោ ហ៊ុន សែន បានថ្លែងថា «រយៈពេល៧១ឆ្នាំមកនេះ កម្ពុជាបានឆ្លងកាត់ដំណាក់កាល ជាប្រវត្តិសាស្ត្រយ៉ាងច្រើន ទាំងដំណាក់កាល ប្រកបដោយមោទនភាពផង ទាំងដំណាក់កាលប្រកបដោយភាពបត់បែន លំបាកស្មុគស្មាញ និងគ្រោះថ្នាក់ជាទីបំផុតផង។ ប៉ុន្តែទោះបីស្ថិតក្នុងកាលៈទេសៈណាក្ដី ក៏គណបក្សប្រជាជនកម្ពុជា នៅតែរក្សាខ្ជាប់នូវគោលបំណង និងឧត្តមគតិរបស់ខ្លួន ដើម្បីកសាង និងការពារប្រទេសកម្ពុជាមួយឯករាជ្យ សន្តិភាព សេរីភាព ប្រជាធិបតេយ្យ អព្យាក្រឹត និងវឌ្ឍនភាពសង្គម»។


សម្តេចតេជោបានរំលឹកថា ពេលប្រទេសជាតិត្រូវធ្លាក់ទៅក្នុងគ្រោះមហន្តរាយ ដែលរបបប្រល័យពូជសាសន៍ ប៉ុល ពត បានបង្កឡើង មានតែសមាជិកគណបក្សប្រជាជនកម្ពុជាបានក្រោកឈរឡើងធ្វើការតស៊ូ និងប្រមូលផ្តុំរាល់កម្លាំងស្នេហាជាតិ បង្កើតរណសិរ្សសាមគ្គីសង្គ្រោះជាតិកម្ពុជា ដើម្បី ប្រយុទ្ធផ្តួលរំលំរបបដ៏យង់ឃ្នងនេះ រហូតទទួលបានជ័យជម្នះជាប្រវត្តិសាស្ត្រនៅ ថ្ងៃ៧ ខែមករា ឆ្នាំ១៩៧៩ ដែលបានសង្គ្រោះជាតិឱ្យរស់រានមានជីវិតឡើងវិញទាន់ពេលវេលា នាំយកសិទ្ធិ សេរីភាពដែលត្រូវបាត់បង់ទាំងស្រុងក្នុងរបបប៉ុល ពត មកជូនប្រជាជនវិញ បញ្ចប់សករាជដ៏ខ្មៅងងឹតបំផុត ហើយបើកឡើងនូវសករាជថ្មីរបស់កម្ពុជា ប្រកបដោយពន្លឺ និងក្តីសង្ឃឹម។


សម្តេចបន្ថែមថា ក្រោមពន្លឺនៃសន្តិភាព ប្រជាជនកម្ពុជាសម្រេចបាននូវការផ្លាស់ប្ដូរធំៗ ជាវិជ្ជមានប្រកប ដោយមោទនភាពបំផុត ជាពិសេសនៅក្នុងវិស័យសេដ្ឋកិច្ច សង្គមកិច្ច ការសម្រេចបាន កំណើនសេដ្ឋកិច្ចខ្ពស់ ប្រកបដោយចីរភាព ក្នុងរយៈពេលជាង២ទសវត្សមកនេះ បានធ្វើឱ្យ កម្ពុជាចេញផុតពីប្រទេសមានចំណូលទាប ទៅជាប្រទេសមានចំណូលមធ្យមកម្រិតទាប ហើយកំពុងខិតខំពុះពារសម្រេច នូវចក្ខុវិស័យរបស់ខ្លួន ជាប្រទេសមានចំណូលមធ្យមកម្រិតខ្ពស់ នៅឆ្នាំ២០៣០។


ភាពក្រីក្ររបស់ប្រជាជន ត្រូវបានកាត់បន្ថយជាបន្តបន្ទាប់ជីវភាពរបស់ ប្រជាជនត្រូវបានលើកកម្ពស់ជាលំដាប់ សន្តិសុខ សណ្តាប់ធ្នាប់ សុខសុវត្ថិភាពសង្គមមាន ភាពល្អប្រសើរ លទ្ធិប្រជាធិបតេយ្យចាក់ឫសកាន់តែរឹងមាំក្នុងសង្គមខ្មែរ។ ព្រមជាមួយនោះ កិត្តិយសជាតិក៏ត្រូវបានស្ដារ និងលើកស្ទួយឡើងវិញលើឆាកអន្តរជាតិ កម្ពុជាបាន និងកំពុងចូលរួមដោយស្មើភាព និងស្មើសិទ្ធិក្នុងកិច្ចការអន្តរជាតិនានា ទាំងក្របខណ្ឌតំបន់ និង សកល។


បច្ចុប្បន្នប្រជាជនកំពុងរស់នៅ ប្រកបដោយភាពសុខដុមរមនា មានក្តីសង្ឃឹម និងមានឱកាសសម្រាប់មនុស្សគ្រប់រូប ជាពិសេសសម្រាប់ក្មួយៗជាយុវជនជំនាន់ក្រោយ។ សន្តិភាពដែលសម្រេចបានយ៉ាងលំបាកបំផុត ដោយខ្មែរខ្លួនឯងនេះ និងសមិទ្ធផលដ៏ធំធេង នៃការស្តារ កសាង និងអភិវឌ្ឍសង្គមជាតិ បានបញ្ជាក់ច្បាស់នូវសច្ចធម៌មួយ គឺខ្មែរអាចធ្វើ បាននូវអ្វីៗគ្រប់យ៉ាង ឱ្យតែយើងមានសាមគ្គីភាព មានភាពជឿជាក់លើបុព្វហេតុរបស់ខ្លួន ហើយរួមគា្នដើរទៅមុខលើវិថីមួយដ៏ត្រឹមត្រូវ។


និយាយរួមមករាល់សមិទ្ធផលដែលគណបក្ស បានសម្រេចជូនជាតិក្នុងរយៈពេល ៤៣ឆ្នាំមកនេះ គឺអាស្រ័យដោយគណបក្សមានភាពត្រឹម ត្រូវខាងនយោបាយ មានការគាំទ្រពេញទំហឹងពីប្រជាជន មានរចនាសម្ព័ន្ធរឹងមាំ និងធនធាន មនុស្សប្រកបដោយគុណធម៌ និងសមត្ថភាព មានសាមគ្គីភាពឯកភាពផ្ទៃក្នុងរឹងមាំ និងរបៀប របបធ្វើការងារត្រឹមត្រូវ។ ប៉ុន្តែក្នុងដំណើរទៅមុខទៀត យើងក៏មិនត្រូវភ្លេចនូវសោកនាដកម្ម ការបែកបាក់ព្រាត់ប្រាស និងការបាត់បង់ដ៏ធំធេងដែលប្រជាជាតិយើងបានជួបប្រទះពីអតីត កាលនោះឡើយ។


ក្នុងន័យនេះ សម្តេចតេជោ ហ៊ុន សែន បានអំពាវនាវដល់សមាជិក សមាជិកាទាំងអស់របស់គណបក្ស ត្រូវរួបរួមគ្នាក្នុងធ្លុងសាមគ្គីជាតិតែមួយ ដើម្បីរក្សា ឱ្យបាននូវសមិទ្ធផលធំៗ ដែលសម្រេចបានមកដោយលំបាកបំផុតនេះ ដោយមិនត្រូវភ្លេចខ្លួន ដើរជាន់ដានប្រវត្តិសាស្ត្រដ៏ខ្មៅងងឹតទោះដោយចេតនា ឬដោយអចេតនាក្តី។

សម្តេចជំរុញឲ្យគណៈកម្មាធិការនៃគណបក្សគ្រប់ថ្នាក់ គ្រប់ផ្នែក និងមន្ត្រីគណបក្សគ្រប់រូបត្រូវបង្កើន ការខិតខំបំពេញភារកិច្ចរបស់ខ្លួនឱ្យបានល្អ ជាពិសេស ត្រូវអនុវត្តគោលការណ៍ និងអភិក្រម នានានៃការកែទម្រង់របស់គណបក្ស ដើម្បីធ្វើឱ្យគណបក្សនៅតែរឹងមាំទាំងខាងនយោបាយ សតិអារម្មណ៍ និងចាត់តាំង ហើយទទួលបានការស្រឡាញ់គាំទ្រពីប្រជាជនជានិច្ច៕