-->
RMNTVONLINE.COM.....មានទទួលសេវាកម្មផ្សាយពាណិជ្ជកម្ម​ គ្រប់ប្រភេទ...ទីស្នាកការកណ្តាល ៖​ ភូមិព្រែកក្របៅទី៣ ឃុំព្រែកអំពិល ស្រុកខ្សាច់កណ្ដាលខេត្តកណ្ដាល Tele: 0973256333 / 017251199

RMNTVONLINE.COM.....មានទទួលសេវាកម្មផ្សាយពាណិជ្ជកម្ម​ គ្រប់ប្រភេទ...ទីស្នាកការកណ្តាល ៖​ ភូមិព្រែកក្របៅទី៣ ឃុំព្រែកអំពិល ស្រុកខ្សាច់កណ្ដាលខេត្តកណ្ដាល Tele: 0973256333 / 017251199

Thursday, September 30, 2021

ថ្នាក់ដឹកនាំ សមាគមសេរីភាពអ្នកសារព័ត៌មានកម្ពុជា បានដង្ហែផ្កាប្រាក់សាមគ្គី ចូលរួមកសាងសាលាឆាន់ នៅវត្តព្រហ្មចារីយ៍ហៅវត្តព្រែកក្របៅ

ចំនួនអ្នកទស្សនា: Views

ខេត្តកណ្តាល៖ លោក ទេស វិបុល ប្រធានសមាគមសេរីភាពអ្នកសារព័ត៌មានកម្ពុជា និង ភរិយា រួមជាមួយ ថ្នាក់ដឹកនាំសមាគមបានដង្ហែផ្កាប្រាក់សាមគ្គីជាបច្ច័យជាង ១,០០០$ និងទេយវត្ថុជាច្រើន ប្រគេនព្រះគ្រូ សេង សុភ័ស្ត ចៅអធិការវត្តព្រហ្មចារីយ៍ ហៅវត្តព្រែកក្របៅ ស្ថិតក្នុងឃុំព្រែកអំពិល ស្រុកខ្សាច់កណ្តាល ខេត្តកណ្តាល ដើម្បីចូលរួមកសាងសាលាឆាន់ ផ្នែកបង្កាន់ដៃ និង ផ្ទាំងគំនូរ នាថ្លៃសីល ៨រោច ខែភទ្របទ ត្រូវថ្ងៃទី២៩ ខែកញ្ញា ឆ្នាំ២០២១នេះ។


សូមជម្រាបថា បច្ច័យកសាង និង ទេយ្យវត្ថុដែលបានប្រគេននេះ បានមកពីការចូលរួមរបស់ ថ្នាក់ដឹកនាំ សមាជិក សមាជិកា ក្រុមគ្រួសាររបស់ ឃីម រដ្ឋា ចាងហ្វាងគេហទំព័ររស្មីស្ទឹងត្រង់ និង កល្យាណមិត្តសមាគមជាច្រើនរូប តាមការផ្តួចផ្តើមបុណ្យរបស់ លោកប្រធាន ទេស វិបុល  និង លោកអគ្គលេខាធិការ ថាំង ប៊ុនសុង។


បន្ទាប់ពីពិធីប្រគេន ព្រះសង្ឃបានសូត្រចម្រើនព្រះបរិត្ត និងអោយពរម្ចាស់ទានទាំងអស់ សូមជួបប្រទះតែនឹងព្រះពុទ្ធពរ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។


 ពិធីនេះចូលរួមដោយ៖

១.លោក ទេស វិបុល និងភរិយា 

២.លោក ហង្ស ចក្រា អនុប្រធានទី២

៣.លោក ថាំង ប៊ុនសុង អគ្គលេខាធិការ

៤.លោក ឃីម រដ្ឋា សមាជិកសមាគម និងជា ចាងហ្វាងគេហទំព័ររស្មីស្ទឹងត្រង់ និងភរិយា ព្រមទាំង ម្តាយ

៥.លោក ម៉ី សារិត សមាជិកសមាគម

៦.លោក យ៉ាន់ ងឿន សមាជិកសមាគម......។








Wednesday, September 29, 2021

ឯកឧត្តម គួច ចំរើន ដឹកនាំមន្ត្រីពាក់ព័ន្ធចុះពិនិត្យប្រព័ន្ធអូរ ប្រឡាយក្នុងភូមិសាស្ត្រសង្កាត់លេខ៤ ក្រុងព្រះសីហនុ

ចំនួនអ្នកទស្សនា: Views

  


 ព្រះសីហនុ: ថ្ងៃទី២៩ ខែកញ្ញា ឆ្នាំ២០២១

កាលពីរសៀលថ្ងៃ៧រោច ខែភទ្របទ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃអង្គារ ទី២៨ ខែកញ្ញា ឆ្នាំ២០២១ ឯកឧត្តម គួច ចំរើន អភិបាលនៃគណៈអភិបាលខេត្តព្រះសីហនុ បានដឹកនាំមន្ត្រីជំនាញពាក់ព័ន្ធ និងលោកអភិបាលក្រុងព្រះសីហនុ អញ្ជើញចុះពិនិត្យប្រព័ន្ធអូរ ប្រឡាយចាប់ពីប្រឡាយអូរ២ រហូតដល់ប្រឡាយអូរ៥ ស្ថិតក្នុងភូមិសាស្ត្រសង្កាត់ លេខ៤ ក្រុងខេត្តព្រះសីហនុ ។ 

ក្នុងឱកាសនោះឯកឧត្តម អភិបាលខេត្ត ក៏បានពិនិត្យប្លង់អូរ ប្រឡាយ និងរកដំណោះស្រាយ ដើម្បីបើកផ្លូវទឹកឱ្យបានធំទូលាយ ព្រមទាំងបានធ្វើការណែនាំឱ្យមន្ទីរធនធានទឹក និងឧតុនិយមខេត្ត យកគ្រឿងចក្រកាយស្តារអូរ ប្រឡាយឱ្យបានធំ និងជ្រៅជាងមុន ធ្វើយ៉ាងណា បើកមុខទឹកឱ្យហូរបានលឿន ដើម្បីកាត់បន្ថយការជន់លិចដោយជំនន់ទឹកភ្លៀងក្នុងរដូវវស្សា ៕

ដោយ ងូ សុមុនី, សម្រួលផ្សាយ៖ ដារ៉ា

Tuesday, September 28, 2021

សេចក្តីជូនដំណឹង និងអំពាវនាវ ដល់​ សប្បុរសជន​ មានសទ្ធាជ្រះថ្លាក្នុងព្រះពុទ្ធសាសនា សម្រាប់កម្មវិធី ថ្ងៃសីល ស្អែកនេះ៖(តាមរយ: 012 25 38 87/ 097 32 56 333)

ចំនួនអ្នកទស្សនា: Views



សមាគម: ថ្នាក់ដឹកនាំ សមាគមសេរីភាពអ្នកសារព័ត៌មានកម្ពុជា បានផ្តួចផ្តើមគំនិតប្រមូលបច្ច័យ ហើយនឹងដង្ហែផ្កាប្រាក់សាមគ្គី ប្រគេន ព្រះគ្រូចៅអធិការវត្តព្រហ្មចារីយ៍ ហៅព្រែកក្របៅ ស្ថិតនៅឃុំព្រែកអំពិល ស្រុកខ្សាច់កណ្តាល ខេត្តកណ្តាល នៅថ្ងៃសីលស្អែកនេះ ថ្ងៃទី២៩ ខែកញ្ញា ឆ្នាំ២០២១ វេលាម៉ោង២រសៀល ដើម្បីចូលរួមកសាងសាលាឆាន់សសរ១០០ដើម ដែលកំពុងសាងសង់បង្ហើយ  គ្រោងចំណាយថវិកាសរុបប្រមាណ១លានដុល្លាអាមេរិក។

សមាគមសូមអំពាវនាវ ពុទ្ធសាសនិក សប្បុរសជន មេត្តាជួយចូលបច្ច័យកសាងបន្ថែមទៀត ដើម្បីអោយការសាងសង់រួចរាល់ជាស្ថាពរឆាប់ៗ ទុកជាកេរមរតកបម្រើសាសនាព្រះសម្មាសម្ពុទ្ធជាទីគោរពសក្ការរបស់យើង។


សម្រាប់បងប្អូន ដែលចង់ចូលរួមចាប់មគ្គផល សូមទំនាក់ទំនង លោក ថាំង ប៊ុនសុង អគ្គលេខាធិការ លេខ 012 25 38 87 (Telegram and WhatsApp)

ឬ លោក ទេស វិបុល ប្រធាន សមាគមសេរីភាពអ្នកសារព័ត៌មានកម្ពុជា 097 32 56 333។






ក្នុងរយៈពេលមួយសប្តាហ៍នៃពិធីកាន់បិណ្ឌភ្ញៀវទេសចរទៅកម្សាន្តក្នុងខេត្តពោធិ៍សាត់មានចំនួនជិត៤០០០នាក់

ចំនួនអ្នកទស្សនា: Views

 



ខេត្តពោធិសាត់: ក្នុងរយៈពេលមួយសប្តាហ៍នៃពិធីកាន់បិណ្ឌ ភ្ញៀវទេសចរទៅកម្សាន្តក្នុងខេត្តពោធិ៍សាត់ មានចំនួនជិត៤០០០នាក់ បានដើរលេងកម្សាន្តនៅតាមគោលដៅទេសចរណ៍នានាក្នុងខេត្ត ស្របពេលដែលចរន្តទេសចរណ៍ ផ្ទៃក្នុងបានចាប់ផ្តើមកម្រើក ឡើងវិញនេះ ហើយមន្ទីរទេសចរណ៍បានពង្រឹងវិធានការសុខាភិបាលការពារជំងឺកូវីដ-១៩ បានយ៉ាងម៉ឺងម៉ាត់ ដើម្បីសុវត្ថិភាព ទាំងភ្ញៀវទេសចរ និងអ្នកផ្តល់សេវាកម្មទេសចរណ៍ផងដែរ។ អ្នកយកព័ត៌មានយើងធ្វើសេចក្តីរាយការណ៍...

លោក សំ ឃីម ប្រធានមន្ទីរទេសចរណ៍ខេត្តពោធិ៍សាត់ បានប្រាប់វិទ្យុជាតិកម្ពុជាឱ្យដឹងថា ពិធីកាន់បិណ្ឌនិងភ្ជុំបិណ្ឌនេះ ទោះបី រាជរដ្ឋាភិបាល បានបិទពិធីសាសនាមិនឲ្យមានការជួបជុំ ដើម្បីទប់ស្កាត់ការរីករាលដាលនៃជំងឺកូវីដ១៩ក៍ពិតមែន ប៉ុន្តែរាជរដ្ឋាភិបាល បានបើកឱ្យភ្ញៀវទេសចរដើរលេងតាមរមណីយដ្ឋាននានា តែត្រូវអនុវត្តវិធានរបស់ក្រសួងសុខាភិបាល និងវិធានក្រសួងទេសចរណ៍ យ៉ាងម៉ឺងម៉ាត់ជាទីបំផុត ។

លោកបន្តថា ដើម្បីសន្តិសុខសុវត្ថិភាពសណ្ដាប់អនាម័យបរិស្ថាន និងទប់ស្កាត់ការរីករាលដាលជំងឺកូវីដ១៩ ស្របតាមអនុសាសន៍នៃប្រមុខ រាជរដ្ឋាភិបាល មន្ទីរបានណែនាំឲ្យសហគមន៍នៅតាមតំបន់ទេសចរណ៍ទាំងអស់តម្រូវឲ្យភ្ញៀវអនុវត្តនូវគោលការណ៍ដូចខាងក្រោម៖

១. ពាក់ម៉ាស់ ២. វាស់កម្ដៅ ៣. លាងដៃនឹងទឹកអាល់កុល៤ . រក្សាគម្លាតសុវត្ថិភាព (១ ,៥ម៉ែត្រ) ៥. កត់ត្រាលេខទូរសព្ទ ៦. បង្ហាញ កាតចាក់វ៉ាក់សាំង ២ដង ទៅ៣ដងរួច និង៦. ភ្ញៀវមិនទាន់ចាក់វ៉ាក់សាំងតម្រូវឲ្យធ្វើតេស្តរហ័ស (Rapid Test)ជាមុនទើបអនុញ្ញាត ឲ្យចូលតាមទីតាំងកម្សាន្តផ្សេងៗនោះ។

លោកបន្តទៀតថា ក្នុងរយៈពេលមួយសប្តាហ៍នៃពិធីកាន់បិណ្ឌនេះភ្ញៀវជាតិមកពីគ្រប់ទិសទីចូលមកលំហែរកម្សាន្តតាមរមណីយដ្ឋាននានា ក្នុងខេត្តពោធិ៍សាត់ មានចំនួនជិត៤០០០នាក់ ក្នុងនោះទទួលបានការយកចិត្តទុកដាក់ គ្រប់គ្រងការពារ ពីអាជ្ញាធរសមត្ថកិច្ចផងដែរ។

«យើងបានសរុបមួយសប្តាហ៍ចាប់ពីថ្ងៃទី ២០ដល់ថ្ងៃទី ២៦នេះ សរុបភ្ញៀវទេសចរមកលេងចំនួន៣៦៦៨នាក់ បើគិតទូទាំង ប្រទេសយើងជាប់ចំណាត់ថ្នាក់លេខ៨។ឥឡូវភ្ញៀវបុកមកច្រើនមែនទែនគាត់មានការប្រុងប្រយ័ត្ន ដោយមន្ទីរបានចុះណែនាំអនុវត្ត បែងចែកក្រុមការងារនៅមន្ទីរទេសចរណ៍ទាំងអស់ យើងបែកជា ៥ក្រុម ដើម្បីទទួលបន្ទុកផ្សព្វផ្សាយ ដល់រមណីយដ្ឋាននានា ក្នុងឱកាស កាន់បិណ្ឌនិងភ្ជុំបិណ្ឌខាងមុខនេះ»។

លោកប្រធានមន្ទីរបានបញ្ជាក់ថា ក្នុងឱកាសបុណ្យភ្ជុំបិណ្ឌ កាលពីឆ្នាំ២០២០កន្លងទៅមានភ្ញៀវទេសចរ ចូលមកកម្សាន្ត ក្នុងខេត្តពោធិ៍សាត់ សរុបចំនួន៧២ម៉ឺននាក់ បើប្រៀបធៀបនឹងឆ្នាំ២០១៩ កើនឡើង៤៣ភាគរយ ៕

ដោយ៖ ហាន់ ស្រីណា 


Monday, September 27, 2021

ខេត្តប៉ៃលិន ធ្វើយុទ្ធនាការដាំឈើប្រណិត ៤០០០ដើម

ចំនួនអ្នកទស្សនា: Views

   


ប៉ៃលិន៖ កាលពីថ្ងៃទី២៥ ខែកញ្ញា ឆ្នាំ២០២១ លោកជំទាវ បាន ស្រីមុំ អភិបាលខេត្តប៉ៃលិន, លោកឧត្តមសេនីយ៍ឯក ឯក សំអូន មេបញ្ជាការយោធភូមិភាគទី៥ និងឯកឧត្តម សៅ សារ៉ាត់ អ្នកតំណាងរាស្រ្តមណ្ឌលប៉ៃលិន បានដឹកនាំមន្ត្រីរាជការ និងកងកម្លាំងប្រដាប់អាវុធទាំង ៣ប្រភេទ ព្រមទាំងយុវជនសហភាពសហព័ន្ធយុវជនកម្ពុជាខេត្ត ធ្វើយុទ្ធនាការដាំដើមឈើ ប្រណិត ៤០០០ដើម នៅទីបញ្ជាការទិសទី៣ ប៉ៃលិន~សំឡូត ដើម្បីស្តារគម្របបៃតងក្នុងខេត្តឡើងវិញ។

លោកជំទាវ បាន ស្រីមុំ អភិបាលខេត្តប៉ៃលិន បានមានប្រសាសន៍ លើកឡើងថា៖ ការដាំកូនឈើ ប្រណិតនាថ្ងៃនេះ គឺក្នុងគោលបំណង ស្តារគម្របបៃតង និងឈើប្រណិតក្នុងខេត្តឡើងវិញ ព្រមទាំងជំរុញការផ្សព្វផ្សាយ និងអប់រំដល់ប្រជាពលរដ្ឋ សិស្សានុសិស្ស ឲ្យយល់ដឹងពីសារសំខាន់ និងផលប្រយោជន៍របស់បរិស្ថានធម្មជាតិ ក្នុងការកាត់បន្ថយឥទ្ធិពលអវិជ្ជមាននៃការប្រែប្រួលអាកាសធាតុ ជាពិសេស បណ្តុះគំនិតស្រឡាញ់ព្រៃឈើ និងបរិស្ថានធម្មជាតិ ដែលកំពុងតែរងការកាប់បំផ្លាញ ដែលនាំឲ្យឈានទៅរកការបាត់ បង់បន្តិចម្តងៗ ដូច្នេះយើងទាំងអស់គ្នា ដែលជាអ្នកទទួលផលប្រយោជន៍ពីដើមឈើ គួរគប្បីចូលរួមដាំដុះឡើងវិញ ព្រមទាំងថែរក្សាការពារជីវៈចម្រុះ និងបរិស្ថានធម្មជាតិ សម្រាប់កូនចៅជំនាន់ក្រោយ ដើម្បីរក្សាទុក ជាសម្បតិ្តជាតិ និងសម្បត្តិមនុស្សជាតិជាសកល ក៏ដូចជា លើកស្ទួយមុខមាត់ខេត្តរបស់យើងផងដែរ។

លោកជំទាវអភិបាលខេត្ត បានមានប្រសាសន៍បញ្ជាក់ថា៖ បច្ចុប្បន្នរដ្ឋបាលខេត្តប៉ៃលិន កំពុងអនុវត្តយ៉ាងសកម្មនូវគោល នយោបាយរបស់រាជរដ្ឋាភិបាលកម្ពុជា ក៍ដូចជាក្រសួងបរិស្ថាន ក្នុងកិច្ចការពារបរិស្ថាន និងអភិរក្សធនធានធម្មជាតិ ព្រមទាំងអេកូឡូស៊ី ដើម្បីលើកកម្ពស់កិត្យានុពលបៃតងជាតិឲ្យល្បីល្បាញរន្ទឺ ជាប្រទេសមានការអភិវឌ្ឍន៍បៃតង គំរូក្នុងតំបន់អាស៊ាន និងអាស៊ីប៉ាស៊ីហ្វិកតាមគោលនយោបាយជាតិ ស្តីពីការអភិវឌ្ឍន៍បៃតង និងផែនការ យុទ្ធសាស្ត្រជាតិ ស្តីពីការអភិវឌ្ឍន៍បៃតង ឆ្នាំ២០១៣-២០២០។

នៅក្នុងឱកាសនោះផងដែរ លោកជំទាវ បាន ស្រីមុំ ក៏បានកោតសរសើរ និងថ្លែងអំណរ គុណយ៉ាងជ្រាលជ្រៅ ចំពោះកងម្លាំងទាំង៣ប្រភេទ និងមន្ត្រីរាជការទាំងអស់គ្រប់ជាន់ថ្នាក់ ដែលបានបំពេញបេសកកម្មដ៏ថ្លៃថ្លា ប្រកបដោយការទទួលខុសត្រូវខ្ពស់ សម្រាប់ប្រជាជន និងប្រទេសជាតិ ដើម្បីរួមគ្នាប្រយុទ្ធប្រឆាំង និងទប់ស្កាត់ការចម្លងរីករាលដាលជំងឺកូវីដ-១៩ ជាពិសេសរួមគ្នាអនុវត្តឱ្យបានខ្ជាប់ខ្ជួន នូវវិធានការការពាររបស់ប្រមុខរាជរដ្ឋាភិបាល សម្តេចតេជោ ហ៊ុន សែន គឺ ៣ការពារ ៣កុំ។

លោកឧត្តមសេនីយ៍ត្រី ទី សុខា មេបញ្ជាការទិសទី៣ ប៉ៃលិន-សំឡូត បានលើកឡើងថា៖ យុទ្ធនាការដាំដើមឈើប្រណិតចម្រុះចំនួន ៤០០០ដើម នៅទី បញ្ជាការជួរមុខទិសទី៣ ប៉ៃលិន-សំឡូត ស្ថិតក្នុងភូមិដីក្រហម សង្កាត់អូរតាវ៉ៅ ក្រុងប៉ៃលិន គឺទទួលបានការឧបត្ថម្ភពីរដ្ឋបាលខេត្តប៉ៃលិន ,អ្នកតំណាងរាស្ត្រមណ្ឌលប៉ៃលិន, ស្នងការដ្ឋាននរគបាលខេត្តប៉ៃលិន, ស្នងការដ្ឋាននគរបាលខេត្តបាត់ដំបង កងរាជអាវុធហត្ថខេត្ត រដ្ឋបាលព្រៃឈើខេត្ត និង យោធភូមិភាគទី៥៕

ប្រភព៖មន្ទីរព័ត៌មានខេត្តប៉ៃលិន


Saturday, September 25, 2021

ព្រះមហាក្សត្រ សម្តេចម៉ែស្តេចយាងនិវត្តន៍មកគង់ប្រថាប់ក្នុងព្រះរាជាណាចក្រកម្ពុជាវិញបន្ទាប់ពីព្រះអង្គទាំងទ្វេបានគង់សំរាកព្យាបាលព្រះរាជសុខភាពនៅ រដ្ឋធានីប៉េកាំង នៃសាធារណរដ្ឋប្រជាមានិតចិន

ចំនួនអ្នកទស្សនា: Views

 

​ព្រះករុណាជាអម្ចាស់ជីវិតលើត្បូង ព្រះបាទសម្តេច ព្រះបរមនាថ ព្រះមហាក្សត្រ នៃព្រះរាជាណាចក្រកម្ពុជា​ និង សម្តេច​ព្រះមហាក្សត្រី ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្លូរ​ និងសុភមង្គល ជាទីសក្ការៈដ៏ខ្ពង់ខ្ពស់បំផុត ព្រះអង្គបានសព្វព្រះរាជហឬទ័យ ស្តេចយាងនិវត្តន៍មកគង់ប្រថាប់ក្នុងព្រះរាជាណាចក្រកម្ពុជាវិញនៅវេលារសៀលថ្ងៃទី ២៥ ខែកញ្ញា ឆ្នាំ២០២១ បន្ទាប់ពីព្រះអង្គទាំងទ្វេបានគង់សំរាកព្យាបាលព្រះរាជសុខភាពនៅ រដ្ឋធានីប៉េកាំង នៃសាធារណរដ្ឋប្រជាមានិតចិន កាលពីថ្ងៃទី១៦ ខែសីហា​ ឆ្នាំ២០២១ កន្លងមកនោះ។


ព្រឹទ្ធសភា រដ្ឋសភា រាជរដ្ឋាភិបាល និងប្រជារាស្រ្តជាកូនចៅ ចៅទួត សូមថ្វាយព្រះសព្ទសាធុការពរដ៏បវរមហាប្រសើរ និងសូម​បួងសួងដល់គុណបុណ្យព្រះរតនត្រ័យ ព្រះតេជបារមីនៃអតីត ព្រះមហាក្សត្រ ព្រះមហាក្សត្រិយានីខ្មែរ និងទេវតាគ្រប់ព្រះអង្គក្នុងលោក មានទេវតាថែរក្សាព្រះមហាស្វេត្រច្ឆត្រ ទេវតាថែរក្សាព្រះរាជាណាចក្រកម្ពុជាជាដើម សូមជួយបីបាច់ថែរក្សា និងថ្វាយព្រះពរជ័យសិរីមង្គល ថ្វាយព្រះករុណាជាអម្ចាស់ជីវិតលើត្បូង និងសម្តេច​ព្រះមហាក្សត្រី ព្រះវររាជមាតាជាតិខ្មែរ ជាទីសក្ការៈដ៏ខ្ពង់ខ្ពស់បំផុត​ សូមព្រះអង្គ មានព្រះរាជសុខភាពដ៏ល្អបរិបូរណ៍ ព្រះកាយពលមាំមួន និងមានព្រះជន្មយឺនយូរ ជាងរយព្រះវស្សា ដើម្បីគង់ប្រថាប់នៅជាម្លប់ដ៏ត្រជាក់ដល់កូនចៅ ចៅទូត របស់ព្រះអង្គជាដរាបតរៀងទៅ៕







វិធានការ ៣កុំ ៣ការពារ និងវ៉ាក់សាំង រូបមន្តបញ្ជៀសការឆ្លងវីរ៉ុសកូវីដ-១៩ !

ចំនួនអ្នកទស្សនា: Views

  


សៀមរាប៖ លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណ:កម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស មានប្រសាសន៍ថា យុទ្ធនាការចាក់វ៉ាក់សាំងជុំទី១ ជូនប្រជាពលរដ្ឋខេត្តសៀមរាប ចាប់ពីអាយុ១៨ឆ្នាំឡើងត្រូវបានបិទបញ្ចប់ ក៏ប៉ុន្តែរដ្ឋបាលខេត្តបានរៀបចំទីតាំង៣កន្លែង បន្តចាក់ជូនប្រជាពលរដ្ឋដែលអាក់ខានមិនទាន់បានចាក់ ហើយការចាក់វ៉ាក់សាំងដូសជម្រុញ នឹងត្រូវចាប់ផ្តើមនាដើមខែធ្នូ ឆ្នាំ២០២១ ខាងមុខនេះ !

ពីធីប្រកាសបិទយុទ្ធនាការចាក់វ៉ាក់សាំងកូវីដ-១៩ជុំទី១ ជូនប្រជាពលរដ្ឋខេត្តសៀមរាបចាប់ពីអាយុ១៨ឆ្នាំឡើង បានធ្វើឡើង នៅសាលាខេត្តសៀមរាប ក្រោមវត្តមានរបស់លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណ:កម្មការចំពោះកិច្ច ចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស, ឯកឧត្តម ទៀ សីហា អភិបាលខេត្តសៀមរាប នារសៀលថ្ងៃទី២៤ ខែកញ្ញា ឆ្នាំ២០២១នេះ។ នៅក្នុងពិធីនេះ ក៏មានវត្តមានផងដែរ ឯកឧត្តម អ៊ាន ឃុន ប្រធានក្រុមប្រឹក្សាខេត្ត និងប្រតិភូមកពីក្រសួងសុខាភិបាល ព្រមទាំងសមាជិក សមាជិកា នៃគណកម្មការចំពោះកិច្ចចាក់វ៉ាក់សាំងខេត្តសៀមរាប។

របាយការណ៍ ដែលបង្ហាញដោយអភិបាលខេត្តសៀមរាប ( ឯកឧត្តម ទៀ សីហា ) បានឲ្យដឹងថា៖ តាមផែនការ ប្រជាពលរដ្ឋចាប់ពីអាយុ១៨ឆ្នាំឡើងដែលត្រូវទទួលការចាក់វ៉ាក់សាំងដូសទី១ មានចំនួនជាង៦៨ម៉ឺននាក់ ហើយការអនុវត្តជាក់ស្តែង គិតត្រឹមថ្ងៃទី២៣ ខែកញ្ញានេះ លទ្ធផលបានចំនួនជាង៦០ម៉ឺននាក់ ស្មើនឹងជិត៩៧% នៅសល់អ្នកដែលមានលទ្ធភាពអាចចាក់បានប្រមាណជាង៣% បើគិតជាតួលេខមានប្រហែលជាង២មុឺននាក់។ ការចាក់ដូសទី២ បានចំនួនជិត ៥៨ម៉ឺននាក់ ស្មើនឹង៩៥% នៃផែនការជាង៦០ម៉ឺននាក់។ ក្រៅពីនេះ នៅមានពលរដ្ឋពុំអាចចាក់បានដោយសារមានបញ្ហាសុខភាពប្រហែលជាង ២ម៉ឺននាក់ និងប្រជាពលរដ្ឋចំណាកស្រុកពុំទាន់ទទួលបានការចាក់វ៉ាក់នេះ មានប្រមាណជាង ៣ម៉ឺននាក់ផ្សេងទៀត។

របាយការណ៍ក៏បានឲ្យដឹងបន្ថែមដែរថា ការងារចាក់វ៉ាក់សាំងការពារជំងឺកូវីដ-១៩ ក្រោមកិច្ចសហការរវាងក្រុមការងារចម្រុះពេទ្យខេត្ត និងពេទ្យយោធានៅក្នុងយុទ្ធនាការកន្លងមកនេះ មិនត្រឹមតែបានចាក់ជូនប្រជាពលរដ្ឋដែលមានអាយុចាប់ពី១៨ឆ្នាំឡើងប៉ុណ្ណោះទេ តែត្រូវបានចាក់ជូនកុមារអាយុ១២ឆ្នាំ ដល់ក្រោមអាយុ១៨ឆ្នាំ និងបានចាក់ជូនផងដែរ កុមារអាយុចាប់ពី៦ឆ្នាំដល់ក្រោម១២ឆ្នាំ ដែលគិតត្រឹមថ្ងៃទី២៣ ខែកញ្ញា ឆ្នាំ២០២១ ទទួលបានលទ្ធផលសរុបចំនួនជាង ៧៥ម៉ឺននាក់ ស្មើនឹង ៨០% នៃផែនការសរុបចំនួនជាង៩៥ម៉ឺននាក់។

លោកជំទាវ ឱ វណ្ណឌីន មានប្រសាសន៍ថា សមិទ្ធផល នៃការចាក់វ៉ាក់សាំងកូវីដ-១៩ មកដល់ពេលនេះ បើមិនមានវត្តមាន និងការខិតខំប្រឹងប្រឹងប្រកបដោយភាពទន់ភ្លន់ ការគិតគូរដ៏វៃឆ្លាត នៃសម្តេចតេជោ ហ៊ុន សែន ប្រមុខ នៃរាជរដ្ឋាភិបាលទេនោះ ប្រហែលជាកម្ពុជា មិនអាចមានវ៉ាក់សាំង ចាក់ជូនប្រជាពលរដ្ឋ ជួយសង្គ្រោះសុខភាពប្រជាពលរដ្ឋបានទាន់ពេលវេលានោះឡើយ។

លោកជំទាវ រំលឹកថា កម្ពុជាត្រូវបានបោះជំហ៊ានទៅមុខជានិច្ច លើការងារផ្តល់ការចាក់វ៉ាក់សាំងជូនប្រជាពលរដ្ឋ ដើម្បីពង្រឹងភាពស៊ាំក្នុងសហគមន៍ កាត់បន្ថយហានីភ័យ នៃការរាតត្បាតដោយជម្ងឺកូវីដ-១៩។ សេចក្តីរំលឹកនោះបានបញ្ជាក់ថា៖ ថ្ងៃទី០១ ខែសីហា ឆ្នាំ២០២១ កម្ពុជាប្រកាសបើកយុទ្ធនាការចាក់វ៉ាក់សាំងជូនប្រជាពលរដ្ឋចាប់ពីអាយុ១៨ឆ្នាំឡើង ថ្ងៃទី១៧ ខែកញ្ញា រាជរដ្ឋាភិបាលប្រកាសបើកយុទ្ធនាការចាក់វ៉ាក់សាំង ជូនដល់កុមារ និងយុវវ័យ ចាប់ពីអាយុ១២ឆ្នាំដល់ក្រោម១៨ឆ្នាំ បន្ទាប់មកទៀត ថ្ងៃទី១៧ ខែកញ្ញា ២០២១ សម្តេចតេជោបានប្រកាសបើកយុទ្ធនាការចាក់វ៉ាក់សាំងជូនកុមារ ចាប់ពីអាយុ៦ឆ្នាំ ដល់ក្រោម១២ឆ្នាំ។

យ៉ាងណាក៏ដោយ ការកាត់ផ្តាច់ការឆ្លង និងការចម្លងជម្ងឺកូវីដ-១៩ ចាំបាច់គឺមិនអាចខ្វះបាននូវការចូលរួមពីសហគមន៍ និងមានការទទួលខុសត្រូវដោយចាប់ផ្តើមចេញពីបុគ្គលម្នាក់ៗនោះទេ ក្នុងការការពារខ្លួនកុំឲ្យឆ្លងជម្ងឺកូវីដ-១៩ ។ លោកជំទាវ គូសបញ្ជាក់ថា វ៉ាក់សាំងតែមួយមុខ គឺមិនអាចធានាការឆ្លងបាននោះទេ វ៉ាក់សាំងមានគុណតម្លៃសម្រាប់បង្កើតកងការពារសរីរាង្គមនុស្សឲ្យរឹងមាំ ទប់ទល់មិនឲ្យឈានទៅរកសភាពធ្ងន់ធ្ងរ នៃជម្ងឺ និងកាត់បន្ថយបានអត្រាមរណ:ដោយការរាតត្បាត នៃកូវីដ។ រូបមន្ត បង្ការកូវីដ-១៩ គឺ ៣កុំ ៣ការពារ និងវ៉ាក់សាំង។

ប្រសាសន៍របស់លោកជំទាវ ឱ វណ្ណឌីន បានបង្ហាញនូវការផ្តាំផ្ញើជូនប្រជាពលរដ្ឋខេត្តសៀមរាប ឲ្យបានជ្រាបដែរថា នេះគឺជាការបិទបញ្ចាប់យុទ្ធនាការចាក់វ៉ាក់សាំងជុំទី១ ជូនប្រជាពលរដ្ឋចាប់ពីអាយុ១៨ឆ្នាំឡើង ក៏ប៉ុន្តែមិនមែនមានន័យថា ត្រូវបានបញ្ឈប់ការចាក់វ៉ាក់សាំងទាំងស្រុងនោះឡើយ។ ប្រជាពលរដ្ឋដែលមិនទាន់បានចាក់វ៉ាក់សាំងដោយប្រការផ្សេងៗ និងពលករចំណាកស្រុកជាដើម អាចទទួលយកការចាក់វ៉ាក់សាំងនេះបាន ដោយរដ្ឋបាលខេត្ត និងមន្ទីរសុខាភិបាល បានរៀបចំទីតាំងចំនួន៣កន្លែង រួមមាននៅមន្ទីរពេទ្យបង្អែកខេត្ត, មន្ទីរពេទ្យបង្អែកស្រុកអង្គរជុំ និងនៅមន្ទីរពេទ្យបង្អែកស្រុកសូទ្រនិគម។ ក៏ជាការជូនដំណឹងផងដែរ លោកជំទាវ បានឲ្យដឹងថា៖ ការចាក់វ៉ាក់សាំងដូសទី៣ ឬដូសជម្រុញជូនប្រជាពលរដ្ឋ សម្រាប់ក្រុងសៀមរាបនឹងចាប់ផ្តើមដំណើរការនៅថ្ងៃទី០២ ខែធ្នូ និងបណ្តាស្រុកនានា ចាប់ផ្តើមចាក់ជូនប្រជាពលរដ្ឋនៅថ្ងៃទី០៦ ខែធ្នូ ឆ្នាំ២០២១ តាមការកំណត់ទីតាំងដោយរដ្ឋបាលខេត្តនៅពេលក្រោយ៕ ដោយ៖ មន្ទីរព័ត៌មានខេត្តសៀមរាប សម្រួលផ្សាយដោយ៖ Dara

Friday, September 24, 2021

លោក ខាន់ សុផល ត្រូវបានប្រកាសតែងតាំងជាព្រះរាជអាជ្ញាអមសាលាដំបូងខេត្តកែប!​!​

ចំនួនអ្នកទស្សនា: Views

  


ខេត្តកែប៖ លោក ខាន់ សុផល ត្រូវបានប្រកាសតែងតាំងជាព្រះរាជអាជ្ញានៃអយ្យការអមសាលាដំបូងខេត្តកែប។​

ពិធីនេះត្រូវបានប្រារព្ធធ្វើនៅព្រឹកថ្ងៃសុក្រ ៣រោច ខែភទ្របទ ឆ្នាំឆ្លូវ ត្រីស័ក ព-សៈ២៥៦៥ត្រូវនឹងថ្ងៃទី២៤ ខែកញ្ញា ឆ្នាំ២០២១​នៅសាលាដំបូងខេត្តកែបក្រោមអធិបតីភាពឯកឧត្តម កើត រិទ្ធ រដ្ឋមន្ត្រីក្រសួងយុត្តិធម៌។​

នៅក្នុងពិធីតែងតាំងនោះ ឯកឧត្តម កើត រិទ្ធ បានមានមតិសំណេះសំណាល និងក្រើនរម្លឹកដល់មន្ត្រីតុលាការក្រោមឱវាទទាំងអស់ ពិសេសក្រឡាបញ្ជី លោកចៅក្រម និងលោកព្រះរាជអាជ្ញាដែលទើបតែឡើងកាន់មុខតំណែងថ្មីៗនេះ សូមជួយធ្វើការប្រកបដោយវិជ្ជាជីវៈ និងក្រមសីលធម៌ ពោលគឺត្រូវបម្រើផលប្រយោជន៍ជូនបងប្អូនប្រជាពលរដ្ឋយើងក្នុងស្មារតីតម្លាភាព សច្ចភាព និងគោរពទៅតាមវិជ្ជាជីវៈ មានន័យថាត្រូវធ្វើការប្រកបដោយគតិយុត្តិធម៌បំផុត។​

ការធ្វើការដោយយុត្តិធម៌នេះ បង្ហាញពីភាពថ្លៃថ្នូរ និងកិត្តិយសបំផុតសម្រាប់ខ្លួន ហើយក៏ជាចំណែកមួយដ៏ធំដែលធ្វើឲ្យពលរដ្ឋមានទំនុកចិត្ត និងជាចំណែកមួយជួយដល់ពួកគាត់ និងជួយដល់សង្គមជាតិផងដែរ៕

ដោយៈនាក់ អ៊ួន