RMNTVONLINE.COM.....មានទទួលសេវាកម្មផ្សាយពាណិជ្ជកម្ម​ គ្រប់ប្រភេទ...ទីស្នាកការកណ្តាល ៖​ ភូមិព្រែកក្របៅទី៣ ឃុំព្រែកអំពិល ស្រុកខ្សាច់កណ្ដាលខេត្តកណ្ដាល Tele: 0973256333 / 017251199

< សម្តេចតេជោ ហ៊ុន សែន អញ្ជើញបើកយុទ្ធនាការចាក់ថ្នាំបង្ការជំងឺកូវីដ១៩ សម្រាប់កុមារ និងយុវវ័យចាប់ពីអាយុ១២ ដល់ ក្រោម១៨ ឆ្នាំ >
RMNTVONLINE.COM.....មានទទួលសេវាកម្មផ្សាយពាណិជ្ជកម្ម​ គ្រប់ប្រភេទ...ទីស្នាកការកណ្តាល ៖​ ភូមិព្រែកក្របៅទី៣ ឃុំព្រែកអំពិល ស្រុកខ្សាច់កណ្ដាលខេត្តកណ្ដាល Tele: 0973256333 / 017251199


Saturday, September 4, 2021

អភិបាល នៃគណ:អភិបាលខេត្តសៀមរាប បានដឹកនាំក្រុមការងារចុះត្រួតពិនិត្យស្ថានភាព​អាងស្តុកទឹក ទំនប់ប្រឡាយផ្លូវទឹក និងស្ថានភាពដំណាំស្រូវរបស់ប្រជាកសិករ នៅក្នុង​ស្រុកជីក្រែង ខេត្តសៀមរាប

ចំនួនអ្នកទស្សនា: Views

សៀមរាប៖ ឯកឧត្តម ទៀ សីហា អភិបាល នៃគណ:អភិបាលខេត្តសៀមរាប បានដឹកនាំក្រុមការងារក្រោមឱវាទរដ្ឋបាលខេត្ត ចុះត្រួតពិនិត្យស្ថានភាពអាងស្តុកទឹក ទំនប់ប្រឡាយផ្លូវទឹក និងស្ថានភាពដំណាំស្រូវរបស់ប្រជាកសិករ នៅក្នុងស្រុកជីក្រែង ខេត្តសៀមរាប នាថ្ងៃសៅរ៍ ទី០៤ ខែកញ្ញា ឆ្នាំ២០២១នេះ ក្នុងគោលបំណងសិក្សាស្វែងយល់ ដើម្បីរៀបចំស្តារ និងកសាងប្រព័ន្ធធារាសាស្ត្រ បន្ទាប់ពីពិនិត្យតាមដានឃើញថាពីមួយឆ្នាំ ទៅមួយឆ្នាំបញ្ហាប្រឈមការខ្វះខាតទឹកជាបញ្ហាចំបងធំបំផុត ដែលត្រូវតែធ្វើការដោះស្រាយជាចាំបាច់ សម្រាប់ប្រជាកសិករនៅគ្រប់រដូវ ក្នុងការបង្កបង្កើនផល។

អមដំណើរឯកឧត្តមអភិបាលខេត្ត នាពេលនោះ រួមមាន ឯកឧត្តមអភិបាលរងខេត្ត, លោកនាយករដ្ឋបាលសាលាខេត្ត, នាយកទីចាត់ការសាលាខេត្ត និងមន្ត្រីក្រោមឱវាទ, ថ្នាក់ដឹកនាំមន្ទីរ អង្គភាពជំនាញពាក់ព័ន្ធ និងអាជ្ញាធរមូលដ្ឋានស្រុកជីក្រែង។ គោលដៅដែលបានចុះទៅមាន÷ អាងទឹកទំនប់ម្កាក់ ក្នុងឃុំពង្រលើ, អាងទឹកទំនប់ក្សាក ក្នុងឃុំខ្វាវ, ទំនប់៧៨ ក្នុងឃុំអន្លង់សំណរ និងប្រព័ន្ធធារាសាស្ត្រមួយចំនួនទៀត៕ ដោយ៖ មន្ទីរព័ត៌មានខេត្តសៀមរាប សម្រួលផ្សាយដោយ៖ ធូ កុសល